Урад абяцае заробак у 550 долараў да
канца 2009 года
А да канца 2010-га – ажно 700. Пра гэта
сёння на паседжанні Прэзідыуму Савета міністраў паведаміў першы намеснік
міністра фінансаў Андрэй Харкавец.
Адначасова абяцаецца забяспечыць
адпаведны рост бюджэтных пенсій, стыпендый і г.д.
Увогуле, як заявіў сёння кіраўнік ураду
Сяргей Сідорскі, бюджэт Беларусі 2009 года павінен захаваць сацыяльную
накіраванасць.
- Бюджэт 2009 года павінен быць сацыяльна
арыентаваны. Фінансаванне па артыкулах падтрымкі пенсіянераў, інвалідаў,
удзельнікаў усіх войнаў, праграм падтрымкі дзяцей, мацярынства, развіцця аховы
здароўя павінна быць на ўзроўні, не ніжэйшым за параметры 2008
года.
Частка сродкаў павінна зарабляцца
міністэрствамі і ведамствамі самастойна. Поўнасцю спадзявацца на бюджэт не
трэба.
Сідорскі нагадаў, што прэзідэнт Беларусі
даў шэраг даручэнняў па падрыхтоўцы найважнейшых дакументаў
сацыяльна-эканамічнага развіцця краіны. У прыватнасці, ім пастаўлена задача не
зніжаць тэмпы эканамічнага развіцця на бліжэйшыя гады. У сувязі з гэтым
Міністэрству эканомікі дадзена заданне закласці прагнозныя параметры да 2011
года, якія значна перавышаюць цяперашні ўзровень.
Паводле БелТА
| 
