“Справа 14-ці”: наперадзе — новыя суды

23 траўня ў судзе Цэнтральнага раёну Мінску пачнецца суд над Паўлам Вінаградавым, Міхасём Субачам і непаўналетнім Максімам Дашуком.

Іх абвінавачваюць у арганізацыі групавых дзеянняў, якія нібыта груба парушылі грамадзкі парадак падчас акцыі прадпрымальнікаў 10 студзеня 2008 г.

У крымінальнай справе — 14 абвінавачаных. 23 красавіка суд пакараў дзесяць актывістаў. Яшчэ адзін абвінавачаны — Аляксандар Баразенка — абвешчаны ў крымінальны вышук.

Усе трое абвінавачаных — Павал Вінаградаў, Міхась Субач і Максім Дашук — ня лічаць сябе вінаватымі ў крымінальнай справе. Яны – актывісты кампаніі “Еўрапейская Беларусь” і ўдзельнічалі ў акцыі 10 студзеня свядома.

Паводле “Радыё Свабода”