Сайт супольнасці «Трэці Шлях» атакавалі хакеры

12 траўня сэрвер, на якім знаходзіцца сайт супольнасці “Трэці Шлях” (http://www.3dway.org/), быў падвергнуты хакерскай атацы. У выніку атакі пры спробе зайсці на старонку супольнасці выскокваў надпіс, што рэсурс перагружаны запытамі.

Па меркаванні тэхнічнага каардынатара інтэрнэт-супольнасці “Трэці Шлях” Андрэя Абозава, атака на сайт пачалася пасля таго, як на ім быў пастаўлены артыкул аб ценявых баках прыватызацыі дзяржаўнай маёмасці ў Беларусі (http://www.3dway.org/node/8830).

Нагадаем, што гэта ўжо не першыя хакерскія атакі, якія адбываліся з беларускімі інфармацыйнымі сайтамі за апошні месяц. Так, некалькі дзён не працавалі інтэрнэт-сайты “Радыё Свабода”, “Партызан”, АГП.