У Беларусі зноў будуць удасканальваць вучэбныя праграмы для школы

Па словах А. Лукашенкі беларускія школьнікі праз год зноў будуць вучыцца 11 год, а праз 2-3 гады атрымаюць новыя падручнікі.

Мяркуецца, што пераход да 11-гадовай агульнаадукацыйнай сярэдняй школе пройдзе без узрушэнняў. "Я школу ведаю. Пераход на 11-гадовую сістэму адукацыі ў сярэдніх школах не выкліча вялікіх праблем. Нам неабходна ўдасканаліць праграмы, але мы гэта хутка зробім. У крайнім выпадку, мы на працягу году будзем даваць рэкамендацыі. Таму не трэба крычаць, што мы закапалі грошы на выданне новых падручнікаў і праграм", - адзначыў глава дзяржавы.

На думку прэзідэнта, настаўнікі без цяжкасцяў здолеюць адабраць неабходны для вучэбнага працэсу матэрыял, паколькі наяўныя падручнікі разлічаныя на вялікі аб'ём інфармацыі. Аляксандр Лукашэнка адзначыў, што будзе распрацаваны адзіны дзяржаўны стандарт для працы школы ў будучым годзе, а аб'ём вучэбнага матэрыялу будуць распрацоваць непасрэдна самі школы. "За год мы распрацуем новыя праграмы, а на працягу двух-трох гадоў спакойна заменім падручнікі", - заявіў А. Лукашэнка, наведваючы ў суботу Навасёлкаўскую школу Пружанскага раёна Брэсцкай вобласці.

Ён не згодны з меркаваннем, што дзяржава панясе вялікія выдаткі, звязаныя з пераходам на 11-гадовую сярэднюю адукацыю і лічыць, што ўдалося своечасова спыніцца.

Паводле Белта