ЗША просіць Беларусь уратаваць жыццё Імануіла Зэльцэра

“Злучаныя Штаты Амерыкі глыбока заклапочаныя пагаршэннем стану здароўя амерыканскага грамадзяніна Імануіла Зэльцэра, які знаходзіцца ў зняволенні ў Беларусі” – гаворыцца ў звароце дыппрадстаўніцтва ЗША ў Беларусі.

Амерыканскі адвакат Зэльцэр быў затрыманы 12 сакавіка. Амбасадзе ЗША ў Мінску было дазволена наведаць яго толькі двойчы – 27 сакавіка і 25 красавіка.
Як паведамляе амбасада, “Зэльцэр значна страціў вагу і быў вельмі слабы. Нягледзячы на ўсе намаганні амбасады ЗША, яго адваката і лекара дзейнічаць у адпаведнасці з турэмнымі працэдурамі, Імануілу Зэльцэру не дазволілі штодзённа прымаць неабходныя яму лекі. “Гэта можа прывесці да незваротнай шкоды яго арганізму” – лічаць амерыканскія дыпламаты.
25 красавіка Дзярждэпартамент ЗША заклікаў урад Беларусі неадкладна вызваліць Імануіла Зэльцэра па меркаваннях гуманнасці, каб уратаваць жыццё амерыканскага грамадзяніна.

Паводле “Польскага радыё для замежжа”