15 сутак арышту за ўшанаванне памяці загінуўшых

15-сутачным арыштам пакараны беларускі палітык Вячаслаў Сіўчык за арганізацыю цырымоніі ўсталявання крыжа ў вёсцы Дражна, знішчанай партызанамі падчас Другой сусветнай вайны.

В. Сіўчыку інкрымінавалі "арганізацыю кіламетровай калоны са сцягамі" ў Старых Дарогах. Палітык зазначыў, што не прызнае сябе парушальнікам закону, бо ўсталяванне крыжоў на месцах гібелі людзей — хрысціянская традыцыя.

Нагадаем, Вячаслаў Сіўчык быў арыштававаны 22 красавіка на ганку суду Маскоўскага раёну Мінску, куды прыйшоў падтрымаць абвінавачанага прадпрымальніка Сяргея Парсюкевіча. Міліцыянты адвезлі яго ў Старыя Дарогі, дзе склалі пратакол за ўдзел у несанкцыянаваным мерапрыемстве.

Цырымонія ўсталявання крыжа прайшла ў Дражне 19 красавіка. Гэтак была ўшанаванне памяці пра мірных жыхароў, знішчаных партызанамі 15 красавіка 1943 году. Шасціканечны крыж святой Ефрасінні Полацкай, нябеснай заступніцы Беларусі, усталяваны побач з каталіцкімі могілкамі вёскі, частка якой была спалена, а многія жыхары — забітыя або спаленыя партызанамі ў сваіх дамах.

Таксама стала вядома, што крыж у вёсцы Дражна быў зруйнаваны вандаламі.

Паводле “Еўрапейскага радыё для Беларусі” і “Малады Фронт”