Беларусь ставіць умовы ЗША

Міністэрства замежных спраў Беларусі запрапанавала амбасадзе ЗША да 30 красавіка скараціць свой дыпламатычны штат да пяці дыпламатаў. Падчас сустрэчы ў МЗС часовы павераны ЗША Джонатан Мур выказаў свой пратэст і назваў гэтае патрабаванне беспрэцэдэнтным крокам беларускіх уладаў. Джонатан Мур адзначаў, што такое рашэнне можа мець сур’ёзныя наступствы. Амерыканскі дыпламат праінфармаваў, што дасць адказ беларускім уладам у вызначаны час.

Беларускі бок лічыць свае патрабаванні суразмернымі да эканамічных санкцыяў, уведзеных амерыканцамі ў дачыненні да беларускіх прадпрыемстваў, у прыватнасці “Белнафтахіму”. МЗС Беларусі спасылаецца на Венскую канвенцыю аб дыпламатычных адносінах.

Паводле “Польскага радыё для замежжа”