У ЗША памёр 99-гадовы
мастак з Віцебску Джозэф Солман
Джозэф Солман, які разам з
Маркам Ратко і іншымі мадэрністамі спрыяў рэфармаванню амерыканскага мастацтва
яшчэ ў 30-х гадах мінулага стагоддзя, сканаў у сваёй студыі на
Манхэттэне.
Джозэф Солман
нарадзіўся ў 1909 годзе ў Віцебску. Пазней яго сям'я перабралася ў ЗША і
пасялілася ў Квінсе. Солман наведваў заняткі ў Лізе студэнтаў, а таксама вучыўся
ў Нацыянальнай мастацкай акадэміі. Аднак мастак заўсёды гаварыў, што сваё
майстэрства ён набыў, малюючы ў аўтобусах і ў прыгарадзе, піша The New York
Times .
У 1935 годзе, ужо вядомым
майстрам, Солман стварыў групу прагрэсіўных экспрэсіяністаў “Дзесяць”, у
якую ўваходзілі такія сусветна вядомыя творцы як Марк Ратко, Адольф Готліў і
Ілля Балатоўскі. Прыкладна ў гэты ж час Солман быў абраны галоўным рэдактарам
часопіса Art Front.
Творчасць Солмана, мяркуюць
спецыялісты, паслужыла натхненнем для Ратко. Сам ураджэнец Віцебска заявіў
у адным з інтэрв'ю, што найбольшы ўплыў на яго працы аказаў Сезан. “Што
мяне сапраўды зачароўвае, – сказаў неяк Солман, – дык гэта колер кавалачка неба
паміж будынкамі, які я бачу, калі еду на аўтобусе падчас
змяркання”.
Паводле “Нашай
Нівы”
| 
