Сацыял-дэмакраты 1 красавіка здадуць у КДБ “антыпрэзідэнцкія” мультфільмы

Маладыя сацыял-дэмакраты Беларускай сацыял-дэмакратычнай партыі (Грамада) патрабуюць вызвалення старшыні БСДП Аляксандра Казуліна і гатова падключыцца да эстафетнай палітычнай галадоўкі, якая ідзе ў краіне, да іншых акцый салідарнасці з палітзняволеным.

Пра гэта гаворыцца ў заяве, прынятай 29 сакавіка на пасяджэнні моладзевай камісіі, паведаміў намеснік старшыні партыі Ігар Рынкевіч. Паводле яго слоў, моладзь таксама выказала пратэст у сувязі з праведзенымі КДБ вобыскамі ў кватэрах журналістаў, якія супрацоўнічаюць з незалежнымі СМІ.

Маладыя сацыял-дэмакраты лічаць, што своеасаблівым адказам на рэпрэсіі ўладаў магла б стаць першакрасавіцкая акцыя па добраахвотнай здачы ў Камітэт дзяржбяспекі "антыпрэзідэнцкіх" мультфільмаў на DVD і іншых носьбітах.

Паводле БелаПАН