Кіраўнік МГА “Згуртаванне беларусаў свету “Бацькаўшчына” Аляксей Марачкін асуджаны на 5 сутак

24 сакавіка амаль а 10-й вечара ў майстэрні мастака, кіраўніка МГА "Згуртаванне беларусаў свету "Бацькаўшчына" Аляксея Марачкіна з’явілася міліцыя. Яны забралі некалькі расцяжак, падрыхтаваных да Дня Волі, а самога мастака арыштавалі. Ноч Аляксей Марачкін правёў у спэцпрыёмніку-размеркавальніку.

25 сакавіка без адваката, раней прызначанага часу, была разгледжаная справа ў судзе Цэнтральнага раёна. Аляксей Марачкін асуджаны на 5 сутак паводле арт. 17-1 Адміністрацыйнага кодэксу. Аказваецца, як заяўляюць сведкі, мастак лаяўся матам каля Цэнтральнага РУУС Мінска.

А. Марачкін павінен выйсці 29 сакавіка каля 22.00.