Урачыстасці ў Нью-Ёрку з нагоды 90-годдзя БНР

У суботу, 22 сакавіка, перад будынкам штаб-кватэры Аб’яднаных Нацый на Манхэтане ў Нью-Ёрку пройдзе мітынг у падтрымку змагання супраць антынацыянальнага дыктатарскага рэжыму ў Беларусі.

Мітынг ладзіцца нью-ёркскім аддзелам БАЗА і прысвечаны 90-годдзю абвяшчэння Незалежнасці Беларускай Народнай Рэспублікі (Акту 25 Сакавіка 1918 года). Пачатак мітынгу — а 11 раніцы, на Першай Авеню пры 43-й вуліцы.

Пасля мітынг плануецца прадоўжыць перад Кансулятам Беларусі і Місіяй РБ пры ААН.

Мерапрыемствы будуць працягнуты 23 сакавіка, калі адбудзецца святочная дэманстрацыя, прысвечаная 90-годдзю аб'яўлення незалежнасці Беларускай Народнай Рэспублікі, якая распачнецца а 10 гадзіне раніцы ля будынка ААН і працягнецца да 11:30 ( паміж E 42 i E 43 Street на 1 Avenue) 760 United Nations Plaza New York City, NY 10017, USA.

А 13 гадзіне ў грамадзкай залі Кафедральнага Сабора Св. Кірылы Тураўскага (401 Atlantic Ave., Brooklyn, N.Y.) адбудзецца імпрэза і святочны абед.

Падчас імпрэзы ў Беларускім музеі адкрыецца новая мастацкая выстава беларускіх мастакоў і будзе прагляд кінастужкі "Беларускі пасляваенны антысавецкі супраціў 1944-1959 гг" рэжысёра Антося Цялежнікава. Уваход вольны. Запрашаем усіх.

Паводле Згуртавання беларускай моладзі ў Амерыцы і Беларускага Маладзёвага Руху Амерыкі