25 сакавіка ў Варшаве маніфестацыя салідарнасці і канцэрт N.R.M.

25 сакавіка ў польскай сталіцы адбудзецца маніфестацыя салідарнасці з Беларуссю. Акцыя пачнецца ў Кракаўскім прадмесці побач з помнікам Каперніку а 18-й.

Мяркуецца, што ўдзельнікі акцыі пройдуць маршам да польскага Сейму дзеля таго, каб перадаць прадстаўніку парламенту ліст пра сітуацыю ў Беларусі. Па дарозе дэманстранты будуць знаёміць месцічаў з праблемамі Беларусі. Галоўная ідэя мерапрыемства — падтрымка ўдзельнікаў акцыяў у Мінску. У той жа дзень N.R.M. зайграе жывы канцэрт у эфіры музычнай студыі Польскага Радыё 3. Пачатак а 21.05 па беларускім часе.

Паводле “Нашай Нівы”