Юрку Станкевічу – слыннаму дзеячу беларускай дыяспары Чэхіі – 80 год

18 сакавіка спаўняецца 80 год заснавальніку Беларускага клуба ў Празе, рэдактара газеты беларусаў у Чэхіі “Крывія” Юрку Станкевічу.

Свае жыццёвыя намаганні Вы скіравалі на папулярызацыю беларускасці ў свеце, дзякуючы Вам беларуская мова і гісторыя прапагандавалася на двух кантынентах еўрапейскім і амерыканскім. Ваша праца настаўнікам у надзельных школках для беларускай дыяспары ў амерыканскіх штатах Нью-Ёрку, Нью-Джэрсі, Агая і ў чэшскай сталіцы Празе, выданне падручніка беларускай мовы і гісторыі Беларусі, запіс беларускай версіі “Трыстана і Ізольды”, апрацоўка кароткага размоўніка беларускай мовы для англамоўных з’яўляецца прыкладам для працы беларускай дыяспары. Ваша адданасць беларускасці вартая Вялікай пашаны.

У гэты юбілейны для Вас год Згуртаванне беларусаў свету “Бацькаўшчына” зычыць Вам і надалей працягваць актыўны ўдзел у грамадскім жыцці беларускай дыяспары, здароўя і рэалізацыі мэтаў, якія Вы ставіце перад сабой.

З вялікай пашанай,
Управа “Згуртавання беларусаў свету “Бацькаўшчына”