Салігорцы адзначылі Год беларускай дзяржаўнасці сустрэчай са Зміцерам Бартосікам і Севярынам Квяткоўскім

23 лютага ў Салігорску, на сядзібе “Таварыства беларускай мовы” адбылася творчая сустрэча і канцэрт прысвечаныя 90-й гадавіне абвяшчэння БНР. Суарганізатарам канцэрта выступіла МГА “ЗБС “Бацькаўшчына”.

Севярын Квяткоўскі пазнаёміў прысутных са сваёй кнігай “Фрашкі да пляшкі” — зборнікам кароткіх гісторый з жыцця вядомых беларускіх палітыкаў, музыкантаў, літаратараў, мастакоў, журналістаў, а таксама паспалітых людзей: выкладчыкаў, міліцыянераў, рабочых... Аўтар малюе карціну жыцця беларусаў новай эпохі — эпохі Незалежнасці.

Другая частка вечарыны была прысвечана выступу барда Зміцера Бартосіка, які прадставіў салігорскім слухачам сваю новую праграму з песнямі Высоцкага, Вярцінскага, Акуджавы ў перакладзе Генадзя Бураўкіна.

Інфармацыйны цэнтр МГА “ЗБС “Бацькаўшчына”