Прадпрымальнікі спыняюць дыялог з уладамі

Актывісты прадпрымальніцкага руху Аляксандр Талстыка і Руслан Луцэнка заяўляюць, што прадпрымальнікі спыняюць дыялог з уладамі , пакуль ня будуць вызваленыя ўдзельнікі акцыі пратэсту 10 снежня.

Сустрэча прадпрымальнікаў з дзяржаўнымі чыноўнікамі запланаваная на 19 снежня.

Мы пацвярджаем, што гатовыя весці перамовы. Аднак у звязку з грубымі парушэннямі нашых правоў на свабоду сходаў мы патрабуем неадкладна вызваліць і апраўдаць асуджаных актывістаў прадпрымальніцкага руху, – гаворыцца ў заяве прадпрымальнікаў.

Нагадаем, што актывістаў прадпрымальніцкага руху Віктара Гарбачова асудзілі на 15 сутак, Віктара Калея – на 10, Аляксандра Цацуру – на 10, Аляксандра Макаева – на 7 сутак.

Паводле радыё Свабода (www.svaboda.org)