Лявон Баршчэўскі – “кампрамісны” старшыня Партыі БНФ?

На з’ездзе Партыі БНФ, які прайшоў 8-9 снежня ў Мінску, прайшло галасаванне ў выбары старшыні партыі.

8 снежня на пасаду балатаваліся тры кандыдаты Віктар Івашкевіч, Алесь Міхалевіч і Вінцук Вячорка. Першы раз перамогу падзялілі Вінцук Вячорка і Алесь Міхалевіч, другі тур таксама не дапамог вызначыць пераможцу.

На наступны дзень на паўторным галасаванні ў бюлетэні было толькі адно прозвішча – Лявона Баршчэўскага. Сп. Баршчэўскі ўжо быў лідэрам БНФ у 1990 гг., пасля выезду на эміграцыю Зянона Пазьняка (яшчэ да расколу). В. Вячорка і А. Міхалевіч знялі свае кандыдатуры.

У выніку Л. Баршчэўскі быў абраны старшынёй партыі. За яго прагаласавалі 211 дэлегатаў з 237. 5 бюлетэняў былі прызнаныя несапраўднымі.

Па заканчэнні з’езду дэлегаты і былыя кандыдаты выказваюць задавальненне абраннем і называюць выбары дэмакратычнымі.

Некаторыя эксперты лічаць, што Баршчэўскі будзе праводзіць у Партыі БНФ лінію ўжо былога старшыні В. Вячоркі.

В. Вячорка займаў пасаду старшыні з 1999 г.

Паводле “Еўрапейскага радыё для Беларусі” (www.belradio.fm), БелаПАН і радыё “Свабода” (www.svaboda.org)