Як ушаноўваюць Дзень правоў чалавека ў Мінску

У Мінску праходзіць паказ фільмаў і выстава плакатаў, прымеркаваныя да Сусветнага дня абароны правоў чалавека. Праграма, наладжаная офісам АБСЕ і прадстаўніцтвам ААН у Беларусі.

Мерапрыемствы пачаліся 3 снежня фільмам “Гандзі”. Стужка распавядае пра жыццё лідэра супраціву брытанскаму панаванню ў Індыі. Фільм брытанскага рэжысёра Рычарда Этэнбора стаў лаўрэатам прэміі “Оскар” у васьмі намінацыях. Апрача карціны “Гандзі”, гледачы змогуць убачыць мастацкі фільм “Бразілія”, стужкі “Афіцыйная версія”, “Невыносная лёгкасць быцця” і іншыя.

9 снежня пройдзе сустрэча з былымі вязнямі гета, а завершыць праграму 10 снежня фільм “Жыццё іншых” нямецкага рэжысёра Фларыяна Хэнкеля фон Донерсмарка.

Паводле “Польскага радыё для замежжа” (/www.polskieradio.pl/zagranica/by)