Ці будзе “Наш край” на беларускай мове?

Па інфармацыі Таварыства беларускай мовы, выдавецтва “Беларусь” не мае намеру выпускаць адрыўны каляндар на беларускай мове “Наш край”. “Калі так станецца, то ў краіне поўнасцю спыніцца выдаванне адрыўных календараў на роднай мове”, – заявіў старшыня ТБМ Алег Трусаў.

З просьбай пацвердзіць або аспрэчыць гэты намер выдавецтва “Беларусь”, ТБМ звярнулася да міністра інфармацыі. Але пакуль не атрымала адказу. Адначасна аб’яднанне накіравала лісты міністрам культуры, сувязі ды інфарматызацыі з прапановай выдаваць беларускамоўныя календары. З атрыманых адказаў вынікае, што калі Мінсувязі збіраецца выпусціць календары на роднай мове, то Мінкультуры гатова аказаць падтрымку, калі такая прадукцыя будзе насіць гістарычна-культурніцкую тэматыку.

Паводле “Польскага радыё для замежжа” (http://www.polskieradio.pl/zagranica/by)