Піпі Доўгаяпанчоха – упершыню па-беларуску

Незалежнае выдавецтва “Колас” з нагоды 100-годдзя вялікай шведскай пісьменніцы Астрыд Ліндгрэн (Astrid Lingren) знаёміць беларускіх чытачоў з яе творамі.

На пачатку 2008 г. выйдзе беларускі пераклад самай папулярнай кнігі А. Ліндгрэн “Піпі Доўгаяпанчоха” (“Pippi Langstrump”). Так гучыць імя рудой гарэзніцы, што жыве ў Віле Кавардакуле. Кніга рыхтуецца ў аўтарскім перакладзе са шведскай Дзмітрыя Плакса. Ініцыятарам і каардынатарам праекта выступіла Аляксандра Макавік. Рэдактар Юрась Бушлякоў.

“Піпі Доўгаяпанчоха” выйдзе па-беларуску з арыгінальнымі ілюстрацыямі дацкай мастачкі Інгрыд Ванг Нюман (Ingrid Vang Nyman). Правы на першае выданне кніжкі (1945) былі атрыманыя ад праваўладальніка — сямейнай фірмы сваякоў і нашчадкаў Астрыд Ліндгрэн “Сальткрокан” (Saltkrakan AB).

Інфармацыйны цэнтр МГА “ЗБС “Бацькаўшчына”