Год таму быў асуджаны лідэр “Маладога фронту” Зміцер Дашкевіч

Роўна год таму быў асуджаны адзін з лідэраў незарэгістраваная маладзёвай арганізацыі “Малады фронт” Зміцер Дашкевіч. 1 лістапада 2006 г. суд прызнаў яго вінаватым у дзейнасці ад імя незарэгістраванай арганізацыі і прыгаварыў на паўтара года пазбаўлення волі.

Судовы працэс праходзіў у закрытым рэжыме. З. Дашкевіч адбывае пакаранне ў шклоўскай калоніі агульнага рэжыму. Сёлета 14 жніўня ў адносінах да моладзевага актывіста была заведзена новая крымінальная справа.

З. Дашкевіча вінавацяць у тым, што ён адмовіўся даваць сведчанні па крымінальнай справе, распачатай на Івана Шылу, якога таксама абвінавачвалі ў дзейнасці ад імя незарэгістраванай арганізацыі.

Дашкевічу пагражае да трох гадоў пазбаўлення волі. Суд над ім прызначаны на 6 лістапада. Праваабарончая арганізацыя “Міжнародная амністыя” прызнала актывіста вязнем сумлення.

Паводле БелаПАН