25 сакавіка на Кастрычніцкай плошчы забароненае

Мінскі гарвыканкам афіцыйна адмовіў беларускай апазіцыі ў правядзенні акцыі 25 сакавіка на Кастрычніцкай плошчы.

Адказ уладаў атрымаў старшыня аргкамітэту па святкавання Дня Волі Вінцук Вячорка.

В.Вячорка: "Яны забаранілі правядзенне святкаванняў на гэтак званай Кастрычніцкай плошчы. Менавіта так і сфармулявана: “Забараніць!” Далі дазвол на правядзенне мітынгу ў парку Дружбы народаў. Гэта канфрантатыўнае і неканструктыўнае рашэнне. Абсалютна не адпавядае той праблемнай сітуацыі, у якой апынулася Беларусь. Страчана магчымасць паказаць новую якасць, новы ўзровень гатоўнасці да дэмакратычных зменаў у нашай краіне ўладамі. А рэальнасць такая, што мноства людзей памятае, што менавіта гэтак званая Кастрычніцкая плошча – цэнтр падзеяў. Яны туды прыйдуць. З гэтага трэба зыходзіць і ўладам, і нам. Толькі што нам уручылі адказ. Начальнік гарадской міліцыі і пракурор папярэдзілі пра адказнасць аж да крымінальнай".

Паводле Польскага радыё для замежжа