Увага! Абвяшчаем збор подпісаў супраць будаўніцтва храма А. Сувораву
МГА “ЗБС “Бацькаўшчына” абвяшчае збор подпісаў супраць будаўніцтва на беларускай зямлі храма-помніка расійскаму палкаводцу, заваёўніку Сувораву.
Фундамент гэтага храма закладзены ў горадзе Кобрыне. На яго аснове плануецца пабудаваць мемарыяльны комплекс Суворава, якога не бачыла нават Расія.
Мы, беларусы, не павінны дапусціць, каб на нашай зямлі ўшаноўвалі як святога чалавека, пад чыім кіраўніцтвам надзвычай жорстка былі падаўлены вызвольныя паўстанні нашых продкаў у канцы XVIII стагоддзя. Сувораў на штыках прынёс прыгоннае права на тэрыторыю Беларусі. Па яго загаду мясцовае насельніцтва падвяргалася масавым пакаранням: мірных людзей гвалцілі, рабавалі, забівалі. Сувораў сваімі вайсковымі “перамогамі” знішчыў незалежнасць тагачаснай беларускай дзяржавы – Вялікага княства Літоўскага.
Ні адзін народ не будуе храмаў заваёўнікам!
Звяртаемся да ўсіх неабыякавых людзей, далучайцеся да нашай акцыі!
Раздрукуйце два лісты, якія змешчаны ніжэй, падпішыце і дашліце ў пазначаныя адрасы.
Пры магчымасці, просім копіі падпісных лістоў даслаць на наш адрас: 220030, г. Мінск, вул. Рэвалюцыйная, 15, МГА “ЗБС “Бацькаўшчына”.
| 
