Выстава беларускіх мастакоў ў цэнтры Прагі

Выстава жывапісу і графікі беларускіх мастакоў Уладзіміра Зінкевіча і яго жонкі Валянціны Сідаравай адкрыецца 17 лютага ў цэнтры Прагі.

Як распавёў Уладзімір Зінкевіч карэспандэнту БелТА, у экспазіцыі будзе прадстаўлена больш 30 прац. Гэта першая такая маштабная выстава беларускага мастацтва ў Чэхіі за апошнія пяць гадоў. “Чэшская нацыянальная мастацкая школа вельмі сур’ёзная, вобразна-пластычная, і паказаць у Празе свае працы — вялікая адказнасць”, —падзяліўся мастак. — “Разам з тым, правядзенне такіх выстаў вельмі важна, бо мы імкнемся не здзівіць, а паказаць сённяшні ўзровень мастацтва ў Беларусі”.

Па словах мастака, усё яго працы прысвечаныя каханню да жанчыны. “Жанчына застаецца для мяне таямніцай, і на палотнах я спрабую яе разгадаць. Пакуль не атрымоўваецца, таму карціны нібы пакрытыя смугой”, — адзначыў Уладзімір Зінкевіч.

Экспазіцыя беларускіх мастакоў у цэнтры Прагі, якая арганізуецца пры садзейнічанні Міністэрствы замежных спраў Беларусі, будзе працаваць на працягу месяца.

Уладзімір Зінкевіч — заслужаны дзеяч мастацтваў Беларусі, прафесар. Яго працы ўвайшлі ў калекцыі Нацыянальнага мастацкага музея Беларусі, Рэспубліканскай мастацкай галерэі Беларускага саюза мастакоў, Музея сучаснага выяўленчага мастацтва ў Мінску, Дзяржаўнай Трэцякоўскай галерэі ў Маскве, знаходзяцца ў прыватных калекцыях Англіі, Аўстрыі, Бельгіі, Нямеччыны, ЗША, Італіі, Канадзе і іншых краінах. Апошнім часам у мастака было шмат персанальных выстаў як у Беларусі, так і за мяжой.

Нараўне з жывапісам Уладзімір Зінкевіч прысвяціў сябе педагагічнай працы. З 1982 года ён з’яўляецца выкладчыкам Беларускай дзяржаўнай акадэміі мастацтваў, з 1995 года — загадчыкам кафедрай манументальна-дэкаратыўнага мастацтва. У 2004 годзе Уладзіміру Зінкевічу прысвоена ганаровае званне “Заслужаны дзеяч культуры Рэспублікі Беларусь”.

Паводле БелТА