Ці субсідзіруе Расія беларускую эканоміку?

Паводле Інтэрфакса, на нарадзе з членамі ўрада Расіі, прэзідэнт Расіі паведаміў, што згодна ацэнкам Міністэрства фінансаў РФ, увесь бюджэт Беларусі ў 2007 годзе складае 14 мільярдаў долараў. “Такім чынам, нашая падтрымка выяўляецца ў лічбе, роўнай прыкладна 41%... падтрымка Расіяй беларускай эканомікі захаваецца на працягу доўгага часу, але пачынаючы з гэтага году яна значна скароціцца. Па газе гэтая падтрымка будзе вымярацца лічбай прыкладна 3,3 млрд. долараў, а па нафце і нафтапрадуктах складзе 2,5 млрд. долараў”.

Аб неадпаведнасці сапраўднасці звестак, абнародаваных сёння кіраўніцтвам Расіі, заявіў 15 студзеня на прэс-канферэнцыі ў Мінску для вузкага кола журналістаў віцэ-прэм’ер беларускага ўраду Андрэй Кабякоў.

Як перадаюць афіцыйныя беларускія інфармацыйныя крыніцы, паводле слоў А.Кабякова, “гэта, па меншай меры, недакладныя разлікі”. “А калі сказаць па праўдзе, гэтыя разлікі не заснаваныя на дзейнай нарматыўна-прававой базы. Для таго, каб такія ацэнкі даваць, трэба зыходзіць з эканомікі, з дзейных пагадненняў і ўзаемных абавязкаў бакоў”, — падкрэсліў віцэ-прэм’ер.

Паводле БелаПАН і
Інтэрфакс