Лукашэнка і Пуцін знайшлі выхад з нафта-газавага крызісу

Прэзідэнты Беларусі і Расіі 10 студзеня падчас тэлефонных размоў знайшлі кампраміс, які дазволіць разблакіраваць тупіковую сітуацыю транзіту расійскай нафты ў краіны Еўропы праз тэрыторыю Рэспублікі Беларусь.

“Прэм’ер-міністрам Беларусі і Расіі даручана на працягу двух дзён выпрацаваць пэўныя прапановы па вырашэнні ўсіх праблемных пытанняў і вынесці іх на разгляд прэзідэнтаў да пятніцы, 12 студзеня”, — паведамляе прэс-служба Аляксандра Лукашэнкі.

Акрамя таго, падчас гутарак гаворка ішла аб забеспячэнні Беларусі энергарэсурсамі, а таксама аб пастаўках вуглевадароднай сыравіны ў краіны Еўропы.

Прадстаўнік беларускай дэлегацыі ў Маскве паведаміў, што беларуска-расійскія перамовы аб пастаўках і транзіце расійскай нафты могуць пачацца ўжо ў другой палове дня 10 студзеня. У амбасадзе Беларусі ў Расіі таксама пацвердзілі, што беларуская дэлегацыя знаходзіцца ў Маскве ў чаканні перамоў. У сваю чаргу, расійскі бок настойвае на адмене пошлін да пачатку перамоў.

Беларуская дэлегацыя прывезла ў Маскву ўдакладнены варыянт дамовы па размеркаванні экспартных пошлін на беларускія нафтапрадукты, які павінен стаць асновай перамоў.

Беларускі бок заявіў, што пасля прыняцця прапанаванага варыянту дамовы, Беларусь можа адмяніць мыту на транзіт нафты.

Паводле прэс-службы прэзідэнта Беларусі і
telegraf.by