Віншуем Беларускі культурна-асветніцкі цэнтр Познані з 5-годдзем!

Шаноўны Віталь Воранаў!
Шаноўныя беларусы Познані – сябры Беларускага культурна-асветніцкага цэнтра!

Ад імя міжнароднага грамадскага аб’яднання “Згуртаванне беларусаў свету “Бацькаўшчына” шчыра віншуем вас з 5-годдзем! За гэты час вам удалося сабраць пад адным дахам асобаў, якія, знаходзячыся па-за межамі Беларусі, не парываюць з ёю сувязі, працягваюць і памнажаюць спадчыну нашых славутых продкаў.

Пачынаючы ад часу Вашага заснавання, Згуртаванне “Бацькаўшчына” мае гонар супрацоўнічаць з Беларускім культурна-асветніцкім цэнтрам у Познані. Мы спадзяемся, што і надалей нашыя арганізацыі будуць працаваць разам, каб, не зважаючы ні на якія часовыя перашкоды, наша Радзіма стала вольнай і незалежнай еўрапейскай краінай.

Яшчэ раз шчыра віншуем з юбілеем! Зычым поспехаў, натхнення, здяйснення творчых планаў. Каб ставала моцы не схіляць голаў ні перад якімі цяжкасцямі ў змаганні за лепшую долю нашых людзей, нашай агульнай Бацькаўшчыны.