Мілінкевіч падае ў суд на Першы канал

Лідэр беларускай апазіцыі Аляксандр Мілінкевіч падае 26 кастрычніка ў суд на Першы канал пазоў аб абароне гонару і годнасці яго сям’і. Па меркаванні лідэра апазіцыі, у перадачы “У цэнтры ўвагі” за 13, 27 жніўня і 6 верасня была прадстаўленая не адпаведная рэчаіснасці інфармацыя. У перадачы гаварылася, што сын Мілінкевіча скупае на “грошы Захаду” хаты ў роднай вёсцы лідэра апазіцыі.

“Я лічу, што суды ў нас несправядлівыя, і, магчыма, яго (пазоў) не прымуць. Але павінен адстойваць свой гонар і паказаць усім, самому сабе, што гэта хлусня”, — заявіў Аляксандр Мілінкевіч.

Па словах аўтараў рэпартажаў, сын Аляксандра Мілінкевіча, таксама Аляксандр, скупае хаты ў вёсцы Бершты, каб праводзіць там апазіцыйныя зборы. У той жа час, лідэр апазіцыі пацвердзіў, што яго сын купіў дзве хаты ў вёсцы, у адным з якіх мае намер стварыць на добраахвотных пачатках этнаграфічны музей.

Лідэр апазіцыі заявіў, што і сам гатовы дапамагаць сыну.

“Калі б у мяне былі сродкі, пазвозіў бы з засценкаў (хутароў), з лясоў старыя драўляныя хаты, якія яшчэ ў выдатным стане, і зрабіў бы турыстычную вёску ў вёсцы. Гэта захавала б Бершты. І мы з сынам хацелі б адрадзіць і ганчарства, кавальніцкую справа, ткацтва, таму што людзі яшчэ жывыя, якія гэта ўмеюць”, — паведаміў у інтэрв’ю беларускай службе радыё “Свабода” Аляксандр Мілінкевіч.

Паводле радыё “Свабода” і
telegraf.by