Ці створаць консульствы Расіі па абласных цэнтрах Беларусі?

Амбасада Расіі ў Беларусі прапаноўвае стварыць расійскія консульствы ва ўсіх абласных цэнтрах краіны, перадае “РБК” (“РосБизнесКонсалтинг”). З адпаведнай ініцыятывай амбасада Расіі ў Беларусі звярнулася ў Міністэрства замежных спраў РФ, паведаміў надзвычайны і паўнамоцны амбасадар Расійскай Федэрацыі ў Беларусі Аляксандр Сурыкаў.

Ён нагадаў, што ў Беларусі, па афіцыйных дадзеных, пражывае каля 75 тыс. расійскіх грамадзян, якія звяртаюцца па пытаннях, звязаных з грамадзянствам і дакументамі, у амбасаду ў Мінску і консульства ў Брэсце. Па меркаванні А.Сурыкава, наяўнасць прадстаўнікоў консульства Расіі ў абласных цэнтрах Беларусі дазволіць “эканоміць час і сілы расійскіх грамадзян, а таксама зробіць працэс атрымання дакументаў нашмат прасцей”.

Паводле naviny.by