Міністэрства юстыцыі папярэдзіла шэраг партый

Папярэджанні атрымалі Партыя БНФ, Беларуская партыя “Зялёныя” і БСДП (Грамада). Як заяўляе Мінюст, згодна з законам палітычныя партыі павінны мець Мінскую гарадскую і абласныя арганізацыйныя структуры не менш чым у чатырох абласцях.

Аднак, нягледзячы на патрабаванні і папярэджанні Мінюста, згаданыя партыі дагэтуль не ўтварылі неабходнай колькасці арганізацыйных структур. У выпадку далейшага ігнаравання закону, пагражаюць чыноўнікі, можа быць пастаўлена пытанне аб прыпыненні іх дзейнасці альбо аб ліквідацыі партыі ў судовым парадку.

Сярод партый, якім вынесена папярэджанне, таксама Беларуская сацыальна-спартовая партыя, Сацыял-дэмакратычная партыя народнай згоды і Рэспубліканская партыя.

Паводле Радыё “Рацыя” (www.racyja.com)