“Газпром” пагражае зменшыць пастаўкі газа ў Беларусь

З 3-га жніўня расійскі канцэрн “Газпром” мае намер скараціць аб’ёмы паставак газа ў Беларусь на 45%. Беларускі бок рыхтуе для “Газпрома” прапановы для ўрэгуліравання гэтай сітуацыі.

Рашэнне “Газпрома” звязанае з тым, што беларускі бок палову году аплачваў толькі 55% цаны газа і мусіў да 23 ліпеня пагасіць запазычанасць. У канцэрне нагадалі, што з 1 ліпеня беларускі бок мусіў плаціць поўную цану газу, а менавіта 100 даляраў за кожную 1000 кубаметраў.

Тым часам Еўразвяз сур’ёзна ацэньвае расійска-беларускую “газавую” спрэчку і заклікае дзве краіны неадкладна вырашыць праблемы мірным шляхам. Пра гэта сёння заявіў прадстаўнік Еўракамісіі Марцін Сельмаер. Пры неабходнасці, сказаў М. Сельмаер, можа быць сабрана нарада экспертаў па гэтаму пытанню ўжо на наступным тыдні.

Паводле Радыё “Свабода” ( www . svaboda . org ),

“Нашай Нівы” ( www . nn . by ), БЕЛТА і БелаПАН