Падпісаная Дырэктыва №3

Учора прэзідэнт падпісаў доўгачаканую Дырэктыву №3 “Эканомія і беражлівасць - галоўныя фактары эканамічнай бяспецы дзяржавы”. Дакумент аказаўся не такім страшным, як пра гэта сказаў былы глава канцэрна “Белнафтахім” Аляксандр Бароўскі, а толькі падрыхтаваў глебу для страшных рашэнняў у будучыні.

Большасць пунктаў дакумента займаюць заклікі да эканоміі і беражлівасці ці ўказанні на дзеянні, якія даўно і без таго выконваюцца. Дыверсіфікацыя паставак энерганосьбітаў, паскарэнне будаўніцтва АЭС, выкарыстанне мясцовых відаў паліва, распрацоўка альтэрнатыўных, абсталяванне да 2008 г. усіх кватэр індывідуальнымі лічыльнікамі выдатку вады і г. д.

Але і новага ў дырэктыве таксама хапае. Так да 1 жніўня гэтага года ўраду трэба “стварыць рэспубліканскую міжведамасную камісію па кантролі за эканоміяй і рацыянальным выкарыстаннем паліўна-энергетычных і матэрыяльных рэсурсаў, забяспечыць стварэнне аналагічных галіновых, абласных, гарадскіх, раённых і сталых у арганізацыях камісій, стварыць інстытут пазаштатных інспектараў па нагляду за эфектыўным выкарыстаннем рэсурсаў”. Савету Міністраў і акадэміі навук даручана таксама распрацаваць удакладнены праект Канцэпцыі энергетычнай бяспекі краіны, у якой павінны быць прадугледжаны новыя паказчыкі зніжэння энергаёмістасці ВУП

“Страшныя” меры, дакладней, падрыхтоўка да іх, пачынаюцца з пункта пятага. Так, да 1 верасня гэтага года Саету Міністраў даручана “усталяваць залежнасць аплаты работы кіраўнікоў дзяржаўных органаў і іншых дзяржаўных арганізацый ад выканання паказчыкаў па эканоміі рэсурсаў, павялічэння выкарыстання мясцовых відаў паліва”. А таксама “прадставіць Главе дзяржавы прапановы пра меры адказнасці кіраўнікоў дзяржаўных органаў і іншых дзяржаўных арганізацый за непрытрымліванне усталяваных паказчыкаў па эканоміі рэсурсаў”. Саўміну і іншым дзяржаўным органам дзяржкіравання даручана таксама “забяспечыць правядзенне ў падначаленых арганізацыях, рэгіёнах і населеных пунктах рэгулярных праверак” па эканоміі і беражлівасці. А за “арганізацыямі і гаспадарчымі таварыствамі, у адносінах да якіх дзяржава, валодаючы далямі (акцыямі) у іх устаўных фондах, можа вызначаць рашэнні, прымаемыя гэтымі таварыствамі” ўвогуле будзе ўсталяваны “жорсткі кантроль”.

Ведаючы, што кіраўніцтва прадпрыемстваў пачнуць займацца прыпіскамі, прэзідэнт прадугледзеў і кантроль за статыстычнай справаздачнасцю. Рол я сілавых ведамстваў у выкананні дырэктывы азначаная ў пункце сёмым. КДК будзе здзяйсняць "мэтавыя праверкі” і “прыцягваць да адказнасці службовых асобаў, якія вінаватыя ў нанясенні шкоды дзяржавы, безгаспадарчасці і марнатраўстве”. Пракуратура Беларусі, МУС, КДБ, Дзяржкоммаёмасці, Дзяржстандарт будуць “своечасова і рашуча перапыняць факты безгаспадарлівасці, парушэння дысцыпліны, незаконнага і беспадстаўнага выдаткоўвання матэрыялаў і грашовых сродкаў”.

Персанальная адказнасць за выкананне дырэктывы прэзідэнт усклаў на прэм’ер-міністра, кіраўнікоў дзяржаўных органаў і іншых дзяржаўных арганізацыяў.

Паводле “ Ежедневника»