Пераможцы польскай алімпіяды па беларускай мове – госці Беларусі

З сённяшняга дня пераможцы трынаццатай алімпіяды па беларускай мове, якая штогод праходзіць у Польшчы, – госці Беларусі і Беларускага дзяржаўнага ўніверсітэту.

14 чэрвеня адбудзецца сустрэча пераможцаў алімпіяды з рэктарам БДУ, прафесарам Васілём Стражавым, акрамя таго, яны наведаюць філалагічны факультэт і музеі ўніверсітэту. Для іх будуць арганізаваныя таксама экскурсіі па Мінску. Юныя знаўцы беларускай мовы пабываюць на спектаклі Нацыянальнага акадэмічнага тэатра імя Янкі Купалы.

Арганізатарамі візіту выступілі амбасада Рэспублікі Беларусь у Польшчы, кафедра беларускай філалогіі Варшаўскага ўніверсітэту і аб’яднанне дружбы “Беларусь-Польшча”.

Падобная паездка ўжо другая для пераможцаў алімпіяды па беларускай мове з Польшчы. Іх візіт у гэтым годзе заканчваецца 16 чэрвеня.

Паводле www .tut .by і БЕЛТА