Дадзеная санкцыя перабудаваць манастыр бернардынцаў у забаўляльны комплекс

Беларуская рэспубліканская навукова-метадычная рада па пытаннях гісторыка-культурнай спадчыны пры Міністэрстве культуры Беларусі ўхваліла сёння перадпраектную прапанову па рэканструкцыі і прыстасаванні будынкаў былога манастыра бернардынцаў у Мінску – помніка архітэктуры Х V ІІ стагоддзя. Будынкі знаходзяцца на тэрыторыі верхняга горада па вуліцы Кірылы і Мяфодзія.

Паводле праекту, будынак былога манастыра плануюць прыстасаваць пад гасцінічны комплекс. Гэта аб`ект сацыяльна-бытавога прызначэння, і, на думку спецыялістаў, знаходжанне яго побач з касцёлам не будзе дысанансам.

Аўтары праекту – спецыялісты прадпрыемства “Мінскпраектрэстаўрацыя”. Яны мяркуюць актыўна выкарыстаць падземную прастору для размяшчэння паркоўкі, спартова-аздараўленчага, дзелавога цэнтраў. Будзе захаваная дваровая прастора. Аўтары праекту адмовіліся ад першапачатковай ідэі выкарыстання шкла ў афармленні фасадаў, нехарактэрнай для таго часу лініі “ламаных” стрэх.

Беларуская рэспубліканская навукова-метадычная рада прапанавала завяршыць навукова-даследчыя працы, дапрацаваць праект. Пазней ён будзе зноў прадстаўлены на абмеркаванне рады.

Паводле www. charter97. org і БЕЛТА