Ідзе падрыхтоўка да «Чарнобыльскага Шляху»

Адбыліся пасяджэнні працоўных групаў па падрыхтоўцы да “Чарнобыльскага Шляху”. Група, якая займаецца арганізацыяй інфармацыйнага забеспячэння, прыняла план мабілізацыйнай працы да акцыі. Інфармацыйная група плануе выданне спецвыпускаў газет, буклетаў, друкаванай прадукцыі, прысвечаных “Чарнобыльскаму Шляху”, а таксама правядзенне некалькіх інфармацыйных кампаній.

Аргкамітэт па падрыхтоўцы “Чарнобыльскага Шляху” таксама распачынае збор кніжак, цацак, вопраткі, рэчаў, аўдыё- і відэапрадукцыі, а таксама грошай для дзяцей з анкалагічнымі захворваннямі. Рэчы для дзяцей можна перадаць праз сядзібу Партыі БНФ (Варвашэні, 8), адкуль яны трапяць у Цэнтр дзіцячай анкалогіі ў пасёлку Бараўляны, а таксама хворым дзецям з горада Брагіна.

charter97.org