МГА "ЗБС "Бацькаўшчына" - міжнароднае грамадскае аб'яднанне, дзейнічае з 1990 года, аб'ядноўвае 135 арганізацый з 28 краін свету

English version

пошук па сайце

Падпіска на рассылку бюлетэня

З Б С

Навіны (галоўная) Архіў навін Хто мы Хронiка дзейнасцi З'езды беларусаў свету Кантакты Банкаўскія рэквізіты Архіў бюлетэня

Беларусы замежжа

Гісторыя Галерэя дзеячаў База дадзеных Сайты дыяспары Перыёдыка Могілкі Помнікі

Беларусь

СМІ Дыпламатычныя прадстаўніцтвы Даведнік

БЕЛАРУСКІЯ ГАЗЕТЫ ЗАМЕЖЖА

"БЕЛАРУС" "Крывія"

Замежнае радыё для Беларусі

Еўрапейскае радыё для Беларусі Радыё "Рацыя" "Радыё Швецыя" Радыё "Палонія" Deutsche Welle

Архіў навінаў

17.10	“Вельмі добра, што мы мелі магчымасць сабрацца ўсе разам”... Першыя ўражанні ад з’езду ФНКА “Беларусы Расіі” выказалі прадстаўнікі беларускай дыяспары.
16.10	У Маскве прайшоў Трэці з'езд Федэральнай нацыянальна-культурнай аўтаноміі “Беларусы Расіі”... 95 дэлегатаў і больш за 200 гасцей сабралася на з’езд у Маскве.
16.10	Выступ старшыні Рады МГА “ЗБС “Бацькаўшчына” Алены Макоўскай на ІІІ з’ездзе ФНКА “Беларусы Расіі”...
08.10	У Вільні ўшанавалі памяць Максіма Гарэцкага і Наталлі Арсенневай... 6 кастрычніка памяць адразу двух выбітных беларускіх літаратараў ушанавалі ў колішняй беларускай сталіцы – Вільні. Памятныя дошкі ў гонар Максіма Гарэцкага і яго вучаніцы Наталлі Арсенневай былі ўсталяваны на будынку былой Беларускай гімназіі. Асноўным арганізатарам урачыстасці стала Таварыства беларускай культуры ў Вільні і яго старшыня Хведар Нюнька. МГА “ЗБС “Бацькаўшчына” дапамагала і ў вырабе шыльдаў, і ўдзельнічала ў іх адкрыцці.
07.10	Аляксей Марачкін абнавіў каплічку ў Курапацкім лесе ... 5 кастрычніка ва ўрочышчы Курапаты кіраўнік МГА “ЗБС “Бацькаўшчына”, мастак Аляксей Марачкін абнавіў каплічку, усталяваную паводле яго эскізу на месцы расстрэлаў ахвяраў сталінскіх рэпрэсіяў.

17.10	Набывайце альманах “Беларус-2007”... Свет пабачыў літаратурны альманах беларускіх пісьменнікаў замежжа “Беларус” за 2007 г. Выдала яго газета “Беларус”, збор матэрыялаў ішоў амаль год.
03.10	Агульнапольскі конкурс беларускай паэзіі і прозы... Рэдакцыя газеты “Ніва” і Беларускі саюз Рэспублікі Польшча абвяшчаюць ХI Агульнапольскі конкурс беларускай паэзіі і прозы. У конкурсе будуць разглядацца працы грамадзян Польшчы на беларускай мове.

З намі Вы можаце звязацца па тэлефонах:

(8-029) 572-82-92 — Алена Паўлаўна Макоўская, старшыня Рады;
(8-029) 625-83-78 — Ніна Анатольеўна Шыдлоўская, намесніца старшыні Рады.

31.10	“Дзеяслоў” раздаў “Залатыя апострафы”... 30 кастрычніка ў Гістарычнай майстэрні адбылася вечарына, прысвечаная пяцігоддзю літаратурнага часопісу “Дзеяслоў”. Пісьменнікі хацелі правесці імпрэзу ў Доме літаратара, але ім адмовілі ў арэндзе памяшкання. Невялікая зала майстэрні ледзьве змагла змясціць усіх жадаючых трапіць на прэзентацыю.
31.10	А.Шатэрнік усталяваў адрамантаваную “Лаву Клінтана” ў Курапатах... Адноўлены мемарыяльны знак “Ад народу Злучаных Штатаў Амерыкі народу Беларусі дзеля памяці” сёння быў нанава ўсталяваны ў Курапатах.
31.10	Шэсце і мітынг у Лошыцкім Яры дазволеныя... Мінскія ўлады дазволілі правесці 4 лістапада ў нядзелю шэсце і мітынг у Лошыцкім Яры з нагоды Дня памяці продкаў. Адпаведную заяўку падавалі актывісты Кансерватыўна-Хрысціянскай партыі БНФ.
31.10	Беларускі сыр і масла на экспарт будуць прадаваць толькі праз біржу... Урад прыняў рашэнне аб экспартным продажы сыроў і масла толькі праз “Беларускую ўніверсальную таварную біржу”.
31.10	Антыкамуністычны форум знайшоў сабе памяшканне ў Мінску... Антыкамуністычны форум адбудзецца 3 лістапада ў мінскай штаб-кватэры Партыі БНФ. Пра гэта паведаміў старшыня аргкамітэту Алесь Міхалевіч. Раней дырэктар сталічнага Палаца культуры МАЗ адмовіў арганізатарам-антыкамуністам у арэндзе памяшкання.
29.10	Удзельнікі шэсця “Дзяды” прайшлі каля 10 кіламетраў ... Больш за тысячу чалавек у нядзелю ўзялі ўдзел у традыцыйным шэсці “Дзяды” і мітынгу ва ўрочышчы Курапаты, дзе ў 1937-1941 г., у часы сталінскіх рэпрэсіяў, адбываліся масавыя расстрэлы мірных грамадзянаў.
29.10	Артур Фінкевіч змешчаны ў ізалятар... Адзін з лідэраў незарэгістраванай арганізацыі “Малады фронт” Артур Фінкевіч, які адбывае пакаранне у магілёўскай спецкамендатуры, змешчаны ў следчы ізалятар. Тут ён будзе знаходзіцца да суду.
29.10	Фэст памяці паўстанцаў у Свіслачы ... На радзіме братоў Каліноўскіх 27 кастрычніка прайшоў фэст памяці герояў паўстання 1863-64 гг. Сустрэча была прымеркаваная да Дзядоў і ўгодкаў смерці Віктара Отана Каліноўскага. Амаль сто ўдзельнікаў з Мінску, Свіслачы, Гарадзеншчыны наведалі памятныя мясціны, усклалі кветкі, запалілі знічы.
29.10	70 гадоў таму ў Мінску расстралялі больш за 100 прадстаўнікоў інтэлігенцыі ... 29 кастрычніка 1937 г. у Мінску адбылася акцыя, аналагаў якой яшчэ не ведала гісторыя. На працягу ночы былі расстраляныя 22 беларускія і літаратары, у наступную ноч яшчэ чацвёра.
25.10	У Курапатах усталявалі адноўлены Крыж пакутаў... Увечары 24 кастрычніка ў Курапатах пад Мінскам, на месцы масавых пахаванняў ахвяраў бальшавіцкіх рэпрэсій быў усталяваны адноўлены Крыж пакутаў.
25.10	Габрэйскія арганізацыі адрэагавалі на выказванне А.Лукашэнкі... Саюз беларускіх габрэйскіх грамадскіх аб’яднанняў і абшчынаў выказаў занепакоенасць выказваннямі Аляксандра Лукашэнкі пра габрэяў — яны прагучалі 12 кастрычніка на канферэнцыі для расійскіх журналістаў. Вось цытата з заявы: “Наш непакой выкліканы перадусім тым, што неасцярожнае выказванне можа заклікаць да непрадказальных паводзінаў на побытавым узроўні тых, хто з’яўляецца носьбітам разбуральнай бацылы антысемітызму”.
25.10	Унікальны сайт пра Купалу і Коласа... Праект пад назвай “Класікi сусветнай літаратуры Янка Купала i Якуб Колас. Да 125-годдзя з дня нараджэння” створаны гэтым летам на сайце Дзяржаўнай архіўнай службы пры ўдзеле Дэпартамента па архівах і справаводству Міністэрства юстыцыі Беларусі.
24.10	Парламент прыняў праект закону аб амністыі... Палата прадстаўнікоў сёння прыняла законапраект “Аб амністыі некаторых катэгорый асобаў, якія здзейснілі злачынства”.
24.10	Прыпыняецца выхад беларускамоўнага адрыўнога календара “Родны край”... З наступнага года ў Беларусі прыпыніцца выпуск беларускамоўнага адрыўнога календара “Родны край”. У дзяржаўным выдавецтве “Беларусь” сцвярджаюць, што ён для іх “нерэнтабельны”, бо кепска прадаецца.
24.10	У Беларусі з’явіцца Нацыянальны гістарычны музей... Прэзідэнт Беларусі сёння даручыў Міністэрству культуры сумесна з Нацыянальнай акадэміяй навук у наступным годзе стварыць канцэпцыю новага Нацыянальнага гістарычнага музея.
24.10	Народны літаратурны тэатр “Жывое слова” 25-га кастрычніка адкрывае новы сезон... Усіх прыхільнікаў тэатральнага мастацтва будуць чакаць а 19-ай у 500-ай аўдыторыі другога корпуса БДПУ імя Максіма Танка па адрасе вул. Савецкая, 18. Менавіта тут вось ужо 42-гі тэатральны сезон збіраюцца студэнты, якіх вабіць сцэна, каму хочацца шукаць, тварыць і перамагаць.
24.10	“Сацыяльны марш” накіроўваюць па маршруце Еўрапейскага... Заяўнікам Сацыяльнага маршу 23 кастрычніка падчас сустрэчы ў Мінгарвыканкаме быў прапанаваны традыцыйны маршрут акцыі: Акадэмія навук – плошча Бангалор.
24.10	Закон “Аб правілах беларускай арфаграфіі” прыняты ў першым чытанні... Сёння палата прадстаўнікоў у першым чытанні прыняла законапраект “Аб правілах беларускай арфаграфіі і пунктуацыі”.
24.10	Беларускія прадпрымальнікі будуць адлічваць на гісторыю і культуру ... Аляксандр Лукашэнка падпісаў указ № 527, які прадугледжвае выплату адлічэнняў за прадпрымальніцкую дзейнасць, якая аказвае непасрэднае ўздзеянне на гісторыка-культурную каштоўнасць або зоны аховы нерухомай матэрыяльнай гісторыка-культурнай каштоўнасці, а таксама выплату кампенсавання за нанесеную шкоду.
24.10	“Дзяды” пройдуць па праспекце Незалежнасці... Шэсце і мітынг, прысвечаныя Дню памінання продкаў “Дзяды” дазволеныя. Пра гэта паведамляе намеснік старшыні Кансерватыўна-хрысціянскай партыі – БНФ Сяргея Папкова.
24.10	Індывідуальных прадпрымальнікаў становіцца не менш, а больш ... Нягледзячы на тое, што колькасць ПУПаў (прыватных унітарных прадпрыемстваў) павінна станавіцца больш, гэтага не адбываецца. Прадпрымальнікі не спяшаюцца змяніць свой статус і шукаюць пралаз, каб выкруціцца.
24.10	У Свіслачы адзначаць Дзень памяці паўстанцаў 1863 г. ... 27 кастрычніка ў Свіслачы пройдуць мерапрыемствы, прысвечаныя Дню памяці паўстанцаў 1863 г.
24.10	Стогадовы юбілей Астрыд Ліндгрэн... Віктарыну і конкурс у гонар стагоддзя шведскай казачніцы Астрыд Ліндгрэн абвясціла беларуская служба “Радыё Швецыя”.
22.10	Конкурс для спецыялістаў трохмернага мадэлявання... БДУ культуры і мастацтваў і партал камп’ютэрнай графікі cgtalk.by абвяшчаюць першы міжнародны конкурс “Трохмернае мадэляванне аб’ектаў гісторыка-культурнай спадчыны Беларусі”.
22.10	Мінаблвыканкам дазволіў мітынг памяці 28 кастрычніка ў Курапатах... Дазвол на акцыю ў Курапатах атрымалі сёння арганізатары ад Мінаблвыканкаму. Паводле намесніка старшыні Кансерватыўна-хрысціянскай партыі – БНФ Сяргея Папкова, пачатак дазволенага мітынгу ў Курапатах у 14 гадзін 30 хвілін.
22.10	Не стала прафесара Лойкі... 21 кастрычніка на 64-м годзе жыцця памёр доктар гістарычных навук, прафесар, загадчык кафедры дыпламатычнай і консульскай службы факультэта міжнародных адносінаў Беларускага дзяржаўнага ўніверсітэту Леанід Лойка.
22.10	Малочныя прадукты падаражаюць... Міністэрства эканомікі Беларусі падвысіла ўзровень лімітавых адпускных цэн на малако, кефір, смятану і тварог, паведаміў намеснік міністра эканомікі Уладзімір Адашкевіч.
22.10	“Дух — гэта, людзі, Я!..”... Пад такім назовам 27 кастрычніка ў Гарошкаве (Рэчыцкі раён, Гомельская вобласць) адбудзецца свята паэзіі ў гонар Дня народзінаў паэта Анатоля Сыса.
19.10	Змітра Дашкевіча “дасужваюць”... Справу лідэра “Маладога фронту” Змітра Дашкевіча перадалі ў Шклоўскі раённы суд. Паводле другога абвінавачання, актывісту, які ўжо асуджаны на паўтара году, пагражае яшчэ шэсць месяцаў зняволення.
19.10	Цана на газ складзе каля 125 даляраў... Цана на расійскі газ для Беларусі ў 2008 г. складзе прыблізна 125 долараў за тысячу кубаметраў. Пра гэта заявіў журналістам 19 кастрычніка намеснік міністра прамысловасці і энергетыкі Расіі Іван Мацераў.
19.10	Аляксандр Лукашэнка даў згоду на адкрыццё прадстаўніцтва Еўракамісіі... Кіраўнік беларускай дзяржавы ухваліў праект пагаднення для перамоваў паміж Беларуссю і Еўракамісіяй аб адкрыцці ў Мінску прадстаўніцтва гэтай уплывовай міжнароднай арганізацыі.
19.10	Канцэрт памяці Анатоля Сыса... 3 лістапада ў касцёле святых Сымона і Алены (Чырвоны касцёл) пройдзе канцэрт, прысвечаны памяці Анатоля Сыса. Cабраныя сродкі пойдуць на помнік паэту.
19.10	Дзяржава манапалізуе імпарт цыгарэт... 18 кастрычніка прэзідэнт Лукашэнка выдаў Дэкрэт №4, які замацоўвае за дзяржавай выключнае права на імпарт тытунёвай сыравіны ды вырабаў. Гэта значыцца, ўсталёўвае манаполію.
18.10	Амбасадар Ізраіля: “У словах Лукашэнкі чутны водгалас антысемітызму”... “Выказванні прэзідэнта Беларусі ў адрас габрэяў выклікаюць здзіўленне і шкадаванне”, – так пракаментаваў амбасадар Ізраіля ў Беларусі Зееў Бэн-Ар’е словы Аляксандра Лукашэнкі, якія прагучалі 12 кастрычніка падчас сустрэчы з прадстаўнікамі расійскіх рэгіянальных СМІ.
18.10	Расія адмаўляецца будаваць газаправод па тэрыторыі Беларусі... Амбасадар Расіі ў Беларусі Аляксандр Сурыкаў лічыць, што будаўніцтва другой ніткі газаправода Ямал–Еўропа па тэрыторыі Беларусі адкладзенае на нявызначаны тэрмін з прычыны праблем з уласнасцю на тэрыторыі Польшчы.
18.10	Лепшыя беларускамоўныя гурты атрымаюць узнагароды... 18-19 кастрычніка запланаваны фэст кліпаў беларускамоўных выканаўцаў “Кліп-марафон 2007”. На імпрэзе будуць прадэманстраваныя больш за 30 музычных відэа, зробленыя ў перыяд ад 1991 да 2007 г.
18.10	Крыж Еўфрасінні Полацкай з’явіўся на беларускай манеце... Нацыянальны банк учора выпусціў у зварот тыражом дзве тысячы штук сярэбраную памятную манету “Крыж Еўфрасінні Полацкай” наміналам адна тысяча рублёў.
18.10	Спецдакладчык ПАРЭ спадзяецца на сустрэчу з палітзняволенымі ... Дакладчык па Беларусі Палітычнага камітэту Парламенцкай асамблеі Рады Еўропы Андрэа Рыгоні мае намер сустрэцца з палітзняволенымі.
18.10	Новыя беларускамоўныя дыскі і кніжкі для праваслаўных... Інфармацыйным агенцтвам Беларускай Праваслаўнай Царквы сумесна з Брацтвам у гонар Віленскіх мучанікаў выпушчаны два дыскі беларускамоўных праваслаўных богаслужэнняў: аудыё-дыск “Бажэственная Літургія” і дыск у фармаце МР-3 “Пачуй, Божа, малітву маю!”.
15.10	Кожны восьмы беларус хацеў бы жыць у адной дзяржаве з Польшчай... Сацыёлагі НІСЭПД (Вільнюс, Літва) падчас вераснёўскага даследавання задалі беларусам пытанне пра тое, як бы яны прагаласавалі, калі б праходзіў рэферэндум аб аб’яднанні Беларусі і Польшчы ў адну дзяржаву.
15.10	Улады перадалі каталікам паўразбураны Воўчынскі касцёл... Камянецкія ўлады прынялі рашэнне пра перадачу Пінскай рыма-каталіцкай епархіі будынка паўразбуранага касцёла ў вёсцы Воўчын. Яго 300-гадовая гісторыя найперш звязаная з імем апошняга польскага караля Станіслава Аўгуста Панятоўскага.
15.10	У Вілейцы з’явілася вуліца легендарнага гетмана Орліка... Вуліца легендарнага гетмана Піліпа Орліка (1672–1742) з’явілася ў Вілейцы. Гэты дзяржаўны дзеяч, дыпламат, змагар за незалежнасць Украіны нарадзіўся ў вёсцы Касута ў цяперашнім Вілейскім раёне, аднак большую частку свайго жыцця правёў далёка ад Беларусі.
15.10	ТБМ “прабівае” публікацыю беларускамоўных Правілаў дарожнага руху... Таварыства беларускай мовы “прабівае” публікацыю беларускамоўных Правілаў дарожнага руху і блізкае да поспеху. Пра гэта паведаміў старшыня ТБМ Алег Трусаў.
15.10	Паслы краінаў ЕЗ сустрэліся з грамадскімі і палітычнымі актывістамі... Паслы краін Еўрапейскага Звязу 12 кастрычніка ў Гомелі сустрэліся з прадстаўнікамі апазіцыйных партый і грамадскіх арганізацый. Дыпламаты цікавіліся палітычнай сітуацыяй у рэгіёне, а таксама праблемамі, звязанымі з ліквідацыяй наступстваў аварыі на Чарнобыльскай атамнай электрастанцыі.
15.10	Прыватных унітарных прадпрыемстваў 400 з магчымых 200 тысяч... Колькасць індывідуальных прадпрымальнікаў, якія выказалі жаданне перарэгістравацца ў прыватныя унітарныя прадпрыемствы, паступова расце. Пра гэта заявіў намеснік міністра эканомікі Андрэй Тур.
15.10	Аляксандр Лукашэнка: мы вярнулі ў школьныя праграмы Талстога і Дастаеўскага... “Па маёй ініцыятыве са школьных праграмаў былі прыбраны ўсе нацыяналісты, так званыя пісьменнікі. Нацыяналізм – страшнае зло, і вы ў Расіі ведаеце гэта больш, чымсьці хто-небудзь”, – сказаў прэзідэнт Беларусі на прэс-канферэнцыі для расійскіх СМІ.
11.10	Помнік Касцюшку з’явіцца ў Старых Дарогах... Мастацтвазнаўца, кіраўнік клуба “Спадчына” Анатоль Белы марыць сабраць у Старых Дарогах усіх славутых беларусаў, якія прынеслі славу Айчыне. 15 кастрычніка, тут адбудзецца ўрачыстае адкрыццё чарговага помніка чарговаму шчыраму беларусу, якога ведае сусвет — Тадэвушу Касцюшку. Урачыстасць прымеркавана да 190-годдзя з дня смерці змагара і на зямлі беларускай, і на зямлі амерыканскай.
11.10	У Мінску адкрылася выстава жывапісу і графікі Міхаіла Сеўрука... 10 кастрычніка ў Мінску, у гарадской мастацкай галерэі твораў народнага мастака Беларусі Леаніда Шчамялёва адкрылася выстава жывапісу і графікі вядомага беларускага мастака Міхаіла Сеўрука (1905–1979).
11.10	У Беларусі за тры дні затрыманыя 18 актывістаў... У Беларусі напярэдадні правядзення “Еўрапейскага маршу” працягваюцца затрыманні актывістаў. Паводле звестак незарэгістраванага ў Беларусі Праваабарончага цэнтру “Вясна”, за тры дні ў краіне затрыманыя 18 чалавек і, праўдападобна, лічба гэтая яшчэ павялічыцца.
10.10	Справа Зміцера Дашкевіча перададзена ў пракуратуру... Адвакат Аляксандр Галіеў сустрэўся са Зміцерам Дашкевічам, які паведаміў яму, што ўчора ў яго быў чарговы допыт, а матэрыялы па новай крымінальным справе ўжо перададзеныя ў пракуратуру.
10.10	Сёння – 50 гадоў пісьменніку Леаніду Дранько-Майсюку... Сябар юбіляра пісьменнік Уладзімір Някляеў зазначыў, што “Леаніда Дранько-Майсюка Уладзімір Караткевіч называў паэтам з рысамі рыцара”. “Уяўленні аб рыцарстве майго сябра звязаныя з яго адносінамі да жанчыны, да сяброў, да паэзіі, да Беларусі і ўсяго кроўнага, беларускага”, – сказаў Ул. Някляеў.
10.10	Індывідуальным прадпрымальнікам могуць забараніць увоз абутку і вопраткі... Імпарт прадукцыі лёгкай прамысловасці ў Беларусь павінны здзяйсняць толькі юрыдычныя асобы. Такую думку выказаў старшыня канцэрна “Беллегпрам” Эдуард Нарышкін.
10.10	Зміцер Вайцюшкевіч прэзентуе юбілейны альбом на вершы Генадзя Бураўкіна... 19 кастрычніка, а 19:00, у малой залі КЗ “Мінск” пройдзе чарговы канцэрт Змітра Вайцюшкевіча і “WZ-Orkiestra”. У аднаго з самых пладавітых беларускіх музыкаў у хуткім часе выйдзе юбілейны дзесяты альбом. Гэтым разам на вершы Генадзя Бураўкіна.
09.10	“Грамадоўцы” адзначаць гадавіну галадоўкі Казуліна... Прадстаўнікі Беларускай сацыял-дэмакратычнай партыі (Грамада) падалі ў Мінгарвыканкам заяўку на правядзенне пікетаў, прымеркаваных да ўгодкаў пачатку галадоўкі экс-кандыдата у прэзідэнты, а зараз палітвязня Аляксандра Казуліна.
09.10	На курапацкім камяні выбілі надпіс “Ахвярам сталінізму”... Сябры грамадскага камітэту дзеля ўшанавання памяці ахвяраў сталінскіх рэпрэсій перарабілі закладны курапацкі камень у памятны знак.
09.10	“Малады Фронт” будзе скардзіцца ў Камітэт па правах чалавека ААН... Вярхоўны суд Рэспублікі Беларусь прызнаў правамерным рашэнне ўпраўлення юстыцыі Мінгарвыканкаму адмовіць у рэгістрацыі грамадскаму аб’яднанню “Малады Фронт”.
07.10	Беларусь і Польшча распрацоўваюць турыстычны маршрут па Белавежскай пушчы... Беларускія спецыялісты супольна з польскімі калегамі распрацоўваюць для турыстаў трансгранічны маршрут па Белавежскай пушчы.
07.10	Гаспадарчы суд не задаволіў пазоў БХК да ўраду... Вышэйшы гаспадарчы суд не задаволіў пазоў Беларускага Хельсінскага камітэту да Савету міністраў і Міністэрства фінансаў. Праваабаронцы кажуць, што гэтае рашэнне падрывае давер камісіі Еўразвязу да ўраду Беларусі.
07.10	Развітанне з Яўгенам Будзінасам... 5 кастрычніка ў пасёлку Дудуткі каля вёскі Дудзічы Пухавіцкага раёна Мінскай вобласці, адбылося развітанне з пісьменнікам і журналістам Яўгенам Будзінасам (18.02.1944–04.10.2007).
07.10	У Мінску плануецца форум “У будучыню без камунізму”... Антыкамуністычны форум у процівагу камуністычнаму маюць намер правесці 3 лістапада ў Мінску прадстаўнікі правага крыла беларускай апазіцыі.
04.10	Аповесць чэшскага класіка Бажэны Нямцовай “Бабуля” пераклалі на беларускую мову ... Прэзентацыя перакладу на беларускую мову аповесці чэшскай пісьменніцы Бажэны Нямцовай “Бабуля” прайшла 3 кастрычніка ў амбасадзе Чэхіі ў Беларусі.
04.10	Памёр Яўген Будзінас... Сёння раніцай памёр пісьменнік Яўген Будзінас. Яўген Будзінас – аўтар вядомай кнігі “Дураки”, былы кіраўнік выдавецкай фірмы “Полифакт”, стваральнік Музею матэрыяльнай культуры ў Дудутках.
04.10	Збор сродкаў на крыж А. Сыса... Помнік на магіле Анатоля Сыса да трэцяе гадавіны смерці паэта збіраецца паставіць скульптар Генік Лойка. Камень ужо замоўлены, але на выраб бракуе грошай.
04.10	In Вільня veritas... Зборнік лірыкі маладых беларускіх паэтаў “In Вільня veritas” (“Ісціна ў Вільні”) прэзентаваны ў музеі Максіма Багдановіча 3 кастрычніка. Прэзентацыя зладжаная ў межах паэтычнага фестывалю “Парадак словаў”, які адбываецца ў Беларусі ад 2 па 7 кастрычніка.
03.10	І праз 30 гадоў “Калігула” ў Беларусі забаронены... Дэпартамент кінематаграфіі Міністэрства культуры Беларусі абнавіў спіс фільмаў, забароненых і абмежаваных да паказу на тэрыторыі краіны. На сайце ведамства змешчаныя 84 назвы кінастужак замежных вытворцаў.
03.10	Дзеці рэпрэсаваных хочуць усталяваць капліцу ля КДБ... Уладзімір Раманоўскі і Сяргей Ханжанкоў, чые бацькі былі рэпрэсаваныя за сталінскім часам, звярнуліся да старшыні Мінгарвыканкаму Міхаіла Паўлава са зваротам-заяўкай. Яны просяць дазволу на ўсталяванне 29 кастрычніка часовай капліцы на адным з перакрыжаванняў Гарадскога вала і праспекта Незалежнасці альбо насупраць комплексу будынкаў МУС і КДБ.
03.10	Нязгодны Ліцэй пачаў заняткі... Гуманітарны ліцэй імя Якуба Коласа пачаў пяты навучальны год у нелегальных умовах. У 2003 г. ліцэй ліквідавалі згодна з патрабаваннем Міністэрства адукацыі з фармулёўкай “дзеля аптымізацыі навучальнага працэсу”.
03.10	Дазвольны штамп для выезду за мяжу не адмяняюць?... Згодна з рашэннем Канстытуцыйнага суда Беларусі штамп на выезд за мяжу мусіць быць скасаваны. Раней улады абяцалі, што дазвольныя запісы ў пашпартах адменяць ужо ў студзені 2008 г. Аднак у АВІРах грамадзянам і надалей ставяць дазвольныя штампы ў пашпарты на тэрмін да пяці гадоў, беручы за гэта плату.
02.10	КДБ будзе бараніць моладзь ад дэструктыўных сіл... Камітэт дзяржаўнай бяспекі павінен эфектыўна процідзейнічаць замежнаму ўмяшанню ва ўнутраныя справы Беларусі. Пра гэта сёння заявіў прэзідэнт Беларусі Аляксандр Лукашэнка падчас вырашэння кадравых пытанняў.
02.10	Прысуд Андрэю Клімаву пакінулі без зменаў ... Мінскі гарадскі суд пакінуў без зменаў прысуд аднаму з лідэраў беларускай апазіцыі Андрэю Клімаву. Пра гэта паведаміў праваабаронца Валеры Шчукін. Працэс прайшоў пры зачыненых дзвярах: журналістаў і праваабаронцаў у залу суду не ўпусцілі.
02.10	Семнаццаць тэатраў з васьмі краін свету ў “Тэатральным куфары-2007”... Тэатр пачынаецца з куфара! З асаблівага рэжысёрскага куфара, у які ён укладае свае задумы і ідэі. Куфар – гэта яшчэ і сімвал Міжнароднага фестывалю студэнцкіх тэатраў “Тэатральны куфар-2007”, які ў чацвёрты раз адкрыўся 1 кастрычніка ў залі Палаца прафсаюзаў.
02.10	У Пінску ўшанаваны Рышард Капусьціньскі... У Пінску з’явілася памятная шыльда вядомаму польскаму пісьменніку і рэпарцёру Рышарду Капусьціньскаму, які нарадзіўся і правёў дзяцінства на беларускім Палессі. Адначасова быў выдадзены зборнік вершаў Р. Капусьціньскага ў перакладзе на рускую і беларускую мовы.
02.10	Лідэры партый прарваліся ў парламент... Лідэрам Аб'яднанай грамадзянскай партыі, Партыі камуністаў Беларускай і Беларускай сацыял-дэмакратычнай партыі (Грамада) — Анатолю Лябедзьку, Сяргею Калякіну і Анатолю Ляўковічу — удалося патрапіць у будынак «палаты прадстаўнікоў» «нацыянальнага сходу», каб перадаць подпісы грамадзян супраць адмены ільгот.
02.10	У Беларусі страйкуюць каля 20 тысяч прадпрымальнікаў... Паводле лідэра кампаніі “За свабоднае развіццё прадпрымальніцтва” Віктара Гарбачова, такія лічбы паведамляюць яму з рэгіёнаў краіны. На дадзены момант не працуе большасць прадпрымальнікаў на буйных рынках Бабруйска, Барысава, Слуцка, Рэчыцы і іншых гарадоў.
01.10	На сайце “Мартыралог Беларусі” больш за тысячу новых біяграмаў ахвяраў... Інтэрнэт-старонка “Мартыралог Беларусі” (martyraloh.org) папоўнілася больш чым тысяччу біяграмамі ахвяраў камуністычных рэпрэсій. У асноўным гэта спісы людзей, рэпрэсаваных у Мінску і Віцебску. Да снежня 2008 г. плануецца выставіць каля 60 тысячаў біяграмаў. Праз старонку “Мартыралогу Беларусі” можна шукаць прозвішчы сваіх родных і знаёмых.
01.10	Полацкая епархія адзначае сваё 1015-годдзе... Урачыстасці, прысвечаныя 1015-годдю Полацкай епархіі Беларускай праваслаўнай царквы, працягнуцца ўвесь гэты тыдзень. Святочнае богаслужэнне адбудзецца ў адрэстаўраваным Богаяўленскім кафедральным саборы.
01.10	Народнаму паэту Беларусі Нілу Гілевічу споўнілася 76 гадоў... Народнаму паэту Беларусі Нілу Гілевічу 30 верасня споўнілася 76 гадоў.
01.10	У Мінску ўшанавалі памяць ахвяраў сталінскіх рэпрэсій... 29 верасня ў Мінску сябры Кансерватыўна-хрысціянскай партыі БНФ правялі талаку ў Курапатах. Таксама з ініцыятывы Грамадскага камітэту дзеля ўшанавання памяці ахвяраў сталінскіх рэпрэсій адбыліся жалобныя цырымоніі ў парку Чэлюскінцаў і ва ўрочышчы Курапаты.

31.10	“Вентспілскі вянок-2007”... 3-4 лістапада 2007 г. у Вентспілсе пройдзе 4-ы міжнародны фестываль нацыянальных культур “Вентспілскі вянок-2007”. Фестываль ладзіць Асацыяцыя нацыянальна-культурных таварыстваў.
31.10	“Дзяды” ў Іркуцке... Таварыства беларускай культуры імя Я.Чэрскага ў Іркуцку 2 лістапада зладзіць літаратурна-гістарычны вечар памяці на Дзяды.
29.10	У Бельску Падляшскім прайшоў фэст “Бардаўская восень”... Журы конкурсу “Бардаўская восень” агучыла імёны пераможцаў. Конкурс завяршыўся на гэтых выходных у Бельску Падляшскім. Гран-пры фестывалю ад Звязу беларускай моладзі атрымала Дар’я Кадымская з Мінска.
29.10	Літоўскія сацыял-дэмакраты паспрыяюць вызваленню Аляксандра Казуліна ... Супрацоўніцтва ў справе абароны правоў чалавека, у тым ліку і дзеля вызвалення былога кандыдата ў прэзідэнты Беларусі Аляксандра Казуліна, прадугледжвае пагадненне паміж Беларускай сацыял-дэмакратычнай партыяй (Грамада) і Літоўскай сацыял-дэмакратычнай партыяй. Яго падпісалі ў Вільні выканаўца абавязкаў старшыні Грамады Анатоль Ляўковіч і намеснік кіраўніка літоўскай партыі Віцяніс Андрукайціс.
29.10	Літаратурная вечарына да 125-годдзя Янкі Купалы і Якуба Коласа... Літаратурная вечарына, прысвечаная 125-годдзю з дня нараджэння Янкі Купалы і Якуба Коласа, адбылася ў Цэнтры беларускай культуры ў Даўгаўпілсе
29.10	Амерыканская праграма стыпендыяў Маскі... Дзярждэпартамент ЗША аб’явіў конкурс на ўдзел у праграме стыпендый Эдмунда Маскі на 2008 г. Праграма заснавана ў 1992 г. Кангрэсам ЗША з мэтай садзеяння развіццю эканомікі і дэмакратыі ў краінах Еўразіі.
26.10	Інтэрактыўная мапа беларускай дыяспары... На сайце “Беларусы свету – Знайдзі сваіх” з’явілася інтэрактыўная мапа беларускай дыяспары”. На гэтую мапу кожны можа дадаць сябе асабіста ці сваю суполку.
25.10	У Кракаве праходзяць дні беларускай культуры... Ладзіць іх Беларускае душпастырства айцоў дамініканцаў. Цягам чатырох дзён арганізатары запрашаюць наведаць шэраг імпрэзаў.
25.10	Сёння ў Варшаве адбылася вечарына Купалы і Коласа... У Варшаве 25 кастрычніка прайшла вечарына Якуба Коласа і Янкі Купалы. Мерапрыемства зладзіла амбасада Рэспублікі Беларусь ў Польшчы з нагоды 125-х угодак з дня нараджэння класікаў беларускай літаратуры.
24.10	ЗША маюць намер абараняць свабоду Інтэрнэту. У тым ліку – у Беларусі ... Злучаныя штаты з гэтага часу будуць змагацца з спробамі замежных краін падвергнуць цэнзуры або абмежаваць доступ да Інтэрнэту, а таксама пераследаваць карыстальнікаў Сусветнай сеткі. Адпаведны закон ухваліў у сераду амерыканскі Кангрэс. Дакумент атрымаў назоў “Акт аб глабальнай сеткавай свабодзе” і быў ухвалены аднагалосна.
24.10	Рада бяспекі Украіны папросіць Лукашэнку і Пуціна рассакрэціць архівы ... Дзяржаўнаму камітэту архіваў неўзабаве было б дарэчы скласці пагадненні з Расіяй і Беларуссю з мэтай вяртання ўсіх спраў па закатаваных галадаморам і рэпрэсаваных украінцах. Такое меркаванне выказала прэс-сакратар Рады Бяспекі Украіны Марына Астапенка. Паводле яе слоў, з свайго боку РБУ ужо даўно рассакрэціла ўсе дакументы па Галадаморы.
24.10	Дзярждэпартамент і Кангрэс ЗША крытыкуюць Лукашэнку за антысеміцкія выказванні... Адміністрацыя прэзідэнта Буша прапанавала Аляксандру Лукашэнку адмовіцца ад антысеміцкіх выказванняў. Паводле прадстаўнікоў Дзярждэпартаменту ЗША, каментары беларускага прэзідэнта, якія прагучалі ў часе сустрэчы з расейскімі журналістамі 12 кастрычніка, выклікаюць трывогу.
24.10	“Мы будзем працягваць рэалізацыю палітыкі, накіраванай на дэмакратызацыю Беларусі”... Ці зменіцца польская замежная палітыка адносна Беларусі пасля змены ўраду ў Польшчы? “Грамадзянская платформа” неаднаразова выказвалася ў падтрымку дэмакратыі ў Беларусі, а асабліва дыпламатычнай прысутнасці за ўсходняй мяжой Польшчы. Ці захаваецца гэтая тэндэнцыя пасля перамогі партыі Дональда Туска?
22.10	У Бруселі гавораць пра зніклых у Беларусі апазіцыянераў ... “Офіс за дэмакратычную Беларусь” і “Hanse-Office” у Бруселі запрашаюць усіх жадаючых на дэманстрацыю дакументальнага фільма Паўла Шарамета “Дзікае паляванне” пра знікненне ў Беларусі журналіста Змітра Завадскага і фотавыставу, прысвечаную гвалтоўна зніклым у Беларусі апазіцыянерам.
22.10	“Прэзідэнт Беларусі павінны папрасіць прабачэння за свае ганебныя словы”... – заявіў прэзідэнт Парламенцкай асамблеі Рады Еўропы Рэнэ ван дэр Ліндэн, каментуючы словы А. Лукашэнкі падчас сустрэчы з расійскімі журналістамі 12 кастрычніка. “Лукашэнку варта было б папрасіць прабачэння”
22.10	“Урок беларускай мовы” стаў “Лепшым еўрапейскім дакументальным кіно”... Дакументальны фільм “Урок беларускай мовы” польскага рэжысёра Міраслава Дэмбіньскага атрымаў прэстыжную прэмію Рады Еўропы на фестывалі “Prix Europa”. Узнагароджанне адбылося ў суботу ўвечары ў Берліне. Фільм перамог у намінацыі “Лепшае еўрапейскае дакументальнае кіно”.
22.10	“З’езд у цэлым атрымаўся”... Інфармацыйны цэнтр МГА “ЗБС “Бацькаўшчына” працягвае размовы з прадстаўнікамі беларускай дыяспары ў Расіі, каб даведацца пра іх уражанні ад ІІІ з’езду ФНКА “Беларусы Расіі”.
19.10	Беларускі моладзевы рух у Вашынгтоне... 8 верасня была арганізавана Вашынгтонская суполка Беларускага Моладзевага Руху Амерыкi.
19.10	Праз выказванні Аляксандра Лукашэнкі Ізраіль адклікаў свайго амбасадара з Беларусі... 18 кастрычніка амбасадар Ізраіля ў Мінску Зееў Бэн-Ар’е адкліканы для кансультацый у сувязі з нядаўнімі антысеміцкімі выказваннямі Аляксандра Лукашэнкі, паведамляюць ізраільскія СМІ.
18.10	“Сібірскай чыгунка і перасяленне беларусаў”... Рэгіянальная грамадская арганізацыя “Іркуцкае таварыства Беларускай культуры імя Яна Чэрскага” запрашае жадаючых прыняць удзел у тэарэтычнай канферэнцыі “Сібірская чыгунка і пасяленне беларусаў”.
18.10	Прэзентацыя фільму “Старыя інструменты Беларусі”... Беларускае Зямляцтва Масквы запрашае на імпрэзу “Беларусь Старажытная”, якое адбудзецца 20 кастрычніка а 14-й гадзіне ў Маскоўскім Доме Нацыянальнасцей. У межах мерапрыемства адбудзецца прэзентацыя фільму “Старыя інструменты Беларусі”, выступ музычнага гурту, выстава беларускіх кніг і музычных дыскаў.
18.10	Фільм “Плошча” ў Берліне прайшоў пад авацыі... Сёння беларускі рэжысёр Юры Хашчавацкі святкуе 60-годдзе. Яго апошні фільм працягвае прыносіць творцу падарункі: у Берліне ён прайшоў “на ура”.
18.10	Барду і пісьменніку Сержуку Сокалаву-Воюшу споўнілася 50 год... Творца больш за 10 год знаходзіцца ў эміграцыі, але падтрымлівае сувязі з Беларуссю.
18.10	Беларускія студэнты за мяжой аб’ядноўваюцца... Беларускія студэнты, якія навучаюцца за межамі, аб’яднаюцца. Прэзентацыя праекта стварэння такой суполкі адбылася ў Вільні, дзе 12–16 кастрычніка прайшла сустрэча беларускіх студэнтаў у выгнанні, зладжаная Цэнтрам даследаванняў Усходняй Еўропы.
17.10	БАЗА ў сталіцы ЗША... 16 верасня 2007 г. быў адноўлены гурток Беларуска-амерыканскага задзіночання ў Вашынгтоне. Старшынёй абраная Алеся Сёмуха, намеснікам і скарбнікам Яраслаў Крывой, сакратаром Дыяна Гумбар.
17.10	Малебен за ўсіх змагароў за вольную Беларусь ... У знак салідарнасці з удзельнікамі “Еўрапейскага Марша” ў Беларусі ў беларускай грэка-каталіцкай царкве ў Антверпене адбыўся малебен за ўсіх змагароў за вольную Беларусь.
17.10	Да 190 гадавіны смерці Тадэвуша Касцюшкі... У Варшаве адбыліся ўрачыстасці з нагоды 190 гадавіны смерці Тадэвуша Касцюшкі. Гісторык з Польскай акадэміі навук Марыян Драздоўскі нагадаў, што лёс Т. Касцюшкі быў звязаны з многімі краінамі.
17.10	Беларускае кіно ў Літве... Дні беларускага кіно пачаліся ў Літве. Чатырохдзённае мерапрыемства адкрылася паказам мастацкага фільму “Анастасія Слуцкая”. Акрамя гэтай стужкі, гледачы змогуць убачыць карціны “Ворагі”, “Я памятаю” ды “Белыя росы”.
17.10	50 год са дня набыцця будынку Сабору Кірылы Тураўскага!... 15 кастрычніка 1957 года беларусы ЗША набылі будынак сабору Святога Кірылы Тураўскага. 3 лістапада 1957 году адбылася першая царкоўная служба і агульны сход.
15.10	“Еўрапейскі марш” у рэжыме рэальнага часу... 14 кастрычніка “Офіс за Дэмакратычную Беларусь” у Бруселі наладзіў спецыяльную сустрэчу для маніторынгу Еўрапейскага Маршу ў Мінску, падчас якой удзельнікі маглі сачыць за разгортваннем падзей ў рэжыме рэальнага часу.
15.10	Вацлаў Гавэл звярнуўся да беларусаў... Былы прэзідэнт Чэшскай Рэспублікі Вацлаў Гавэл звярнуўся да ўдзельнікаў “Еўрапейскага маршу” ў Мінску.
15.10	Акцыя ў падтрымку Еўрапейскага маршу адбылася ў цэнтры Прагі ... Да помніка святому Вацлаву, патрону чэшскай зямлі, на Вацлаўскую плошчу прыйшлі сябры беларускіх суполак, студэнты.
15.10	Еўрапейскі марш прайшоў вуліцамі Варшавы ... Еўрапейскі марш прайшоў 14 кастрычніка і ў Варшаве. Беларусы, якія жывуць у польскай сталіцы, а таксама жыхары Варшавы прыйшлі падтрымаць удзельнікаў маршу ў Мінску.
15.10	Рыгору Барадуліну ў другі раз не далі Нобелеўскую прэмію... 11 кастрычніка Нобелеўскі камітэт назваў лаўрэата ў галіне літаратуры. Прэміяй узнагароджана 87-гадовая англійская пісьменніца Дорыс Лесінг.
15.10	Сацыялісты Францыі падтрымліваюць Аляксандра Казуліна... Французская сацыялістычная партыя выказвае непарушную салідарнасць з Аляксандрам Казуліным і з іншымі асуджанымі беларускімі дэмакратамі.
15.10	Лукашэнку запрашаюць у Оксфард для ўдзелу ў дэбатах пра свабоду слова... Дыскусійнае таварыства Оксфардскага універсітэта мае намер запрасіць Аляксандра Лукашэнку выступіць на форуме аб свабодзе слова, які адбудзецца у канцы лістапада.
15.10	Алесь Бяляцкі і Станіслаў Шушкевіч прайгралі былому амерыканскаму віцэ-прэзідэнту Гору... Нобелеўская прэмія міру прысуджаная Альберту Гору і Міжурадавай групе экспертаў па змене клімату за ўнёсак у барацьбу з кліматычнымі зменамі.
11.10	Беларусы – адны з лепшых у “Counter strike”... Беларуская зборная па “Counter Strike” увайшла ў спіс 16 наймацнейшых каманд Сусветных камп'ютэрных гульняў (WGG — World Cyber Games).
11.10	З’езд беларусаў Канады... Галоўная ўправа Згуртавання беларусаў Канады паведамляе, што 41 агульны З’езд Згуртавання беларусаў Канады адбудзецца ў нядзелю, 21-га кастрычніка 2007 г. у 12 гадзін.
11.10	Кансультацыйны пункт для імігрантаў і працадаўцаў у Любліне... У Любліне на польска-украінска-беларускім памежжы, ствараецца кансультацыйны пункт для іншаземцаў і польскіх працадаўцаў, які будзе дапамагаць прыцягваць замежнікаў з усходніх краін і заахвочваць іх працаваць у Польшчы.
11.10	Ствараецца альтэрнатыўны канал пастаўкі нафты з Азербайджана ў Прыбалтыку... Пагадненне аб стварэнні прадпрыемства для рэалізацыі праекту нафтаправоду Адэса-Броды-Плоцк-Гданьск падпісанае 10 верасня ў Вільні.
11.10	Польскі рэжысёр уражаны маштабам п’янства ў Беларусі... Увечары 10 кастрычніка ў Варшаве адбылася cусветная прэм’ера польска-амерыканска-нарвежскага дакументальнага фільму выбітнага польскага рэжысёра Анджэя Фідыка “Беларускі Вальс”. Галоўны герой стужкі – вядомы мастак Алесь Пушкін, праз асобу якога рэжысёр паказвае сучаснае жыццё ў беларускай правінцыі.
11.10	Маладых немцаў цікавяць беларускія турмы... У фестывалі дакументальных фільмаў “Перспектыва”, што праходзіў у Нюрнбергу, у Нямеччыне, прыз сімпатый моладзевага журы ўзяў фільм Міраслава Дэмбіньскага “Урок беларускай мовы”, прысвечаны палітычнай дзейнасці беларускай моладзі. На погляд грамадскіх актывістаў, гэтая перамога сведчыць пра рост цікавасці еўрапейцаў да Беларусі.
10.10	“Amnesty International”: “Беларусь – адзіны кат”... У звароце з нагоды Еўрапейскага Дня супраць смяротнага пакарання Міжнародная праваабарончая арганізацыя “Amnesty International” зноў звярнулася да беларускіх уладаў з заклікам “неадкладна ўвесці мараторый на смяротныя прысуды і іх выкананне”. Паводле “Amnesty International”, Беларусь з’яўляецца адзінай краінай у рэгіёне, дзе дагэтуль выконваюцца смяротныя прысуды.
10.10	Афіцыяльная беларуская дэлегацыя прыме удзел у III з’езде “Беларусы Расіі”... Афіцыяльная беларуская дэлегацыя будзе ўдзельнічаць ў III з’ездзе Федэральнай нацыянальна-культурнай аўтаноміі “Беларусы Расіі”. З’езд пройдзе ў мэрыі Масквы 13 кастрычніка.
10.10	У Латвіі пад Новы год пачнуць збіраць МАЗы... У Латвіі да канца 2007 г. будзе арганізавана зборка аўтобусаў “МАЗ”. Аб гэтым сёння на заявіў журналістам Надзвычайны і Паўнамоцны Пасол Беларусі ў Латвіі Аляксандр Герасіменка.
10.10	Адразу тры беларусы прэтэндуюць на Нобелеўскія прэміі 2007 году... У пятніцу 12 кастрычніка ў Нобелеўскім інстытуце ў Осла будзе абвешчаны лаўрэат Нобелеўскай прэміі міру. Сёлета сярод намінантаў на атрыманне гэтай ганаровай прэміі 181 кандыдат, з якіх 135 прыватных асобаў і 46 арганізацый.
10.10	У Варшаве пройдзе Еўрапейскі Марш за Беларусь... 14 кастрычніка ў Варшаве таксама пройдзе Eўрапейскі Марш у знак салідарнасці з Маршам, які пройдзе ў Мінску. Акцыя пачнецца а 13 гадзіне па польскаму часу (у той самы час што і ў Мінску) на Плошчы Канстытуцыі.
09.10	Дзень моў у Даўгаўпілскім універсітэце... Па ініцыятыве кафедры замежных моў Дзень моў праводзіцца для студэнтаў гуманітарнага факультэта штогод, пачынаючы з 2003 года. Кожны год свята мае пэўную назву. Сёлета – народны гумар, жарты і анекдоты на ўсіх мовах, якія вывучаюць студэнты універсітэта. А вывучаюць яны 13 моў, сярод якіх на працягу дзесяці гадоў запатрабавана і беларуская.
09.10	Беларускі каляндар-даведнік... Беларускі каляндар-даведнік на кожны дзень – кніга, якая пабачыла свет у Вільні. Яна змяшчае ў сабе святочныя і трагічныя даты, даты, якія павінны ведаць і памятаць кожны беларус.
09.10	Намеснік Лужкова стаў ганаровым членам Клуба беларусаў Масквы... Першы намеснік мэра расійскай сталіцы, кіраўнік будаўнічага комплексу Уладзімір Рэсін, стаў ганаровым членам Клуба беларусаў Масквы.
08.10	Аляксандр Лукашэнка так і не сустрэўся з Уладзімірам Пуціным... У Душанбе скончыўся саміт Садружнасці незалежных дзяржаваў. Анансаваная сустрэча прэзідэнтаў Беларусі і Расіі не адбылася.
04.10	“Белсат” здымае “Тутэйшых”... У польскім гарадку Тыкоцін, што на Падляшшы, завяршаюцца здымкі тэлефільмf паводле п’есы Янкі Купалы “Тутэйшыя”. Фільм здымае мінскі рэжысёр Валер Мазынскі па замове новага спадарожнікавага тэлеканала “Белсат”.
04.10	Беларусь спрабуе вярнуць дакументы Радзівілаў з нямецкіх архіваў... Пра гэта паведаміла дырэктар Нацыянальнага гістарычнага архіва Беларусі Ала Галубовіч. Паводле яе слоў у нямецкім горадзе Кобленц знаходзіцца 1144 дакументы.
04.10	Аўстрыйская тэлекамунікацыйная кампанія цалкам выкупіць “Velcom”... Аўстрыйская тэлекамунікацыйная кампанія “Telekom Austria” 3 кастрычніка падпісала дамову аб набыцці 70% актываў кіпрскай “SB Telecom”, якой належыць беларускі мабільны аператар “Velcom”.
04.10	Польская віза стане даражэй ад пачатку 2008 года... 2-3 кастрычніка 2007 года ў Варшаве адбыліся беларуска-польскія кансультацыі паміж міністэрствамі замежных спраў па консульскіх пытаннях. Польскі бок выказаў гатоўнасць не падвышаць тарыф консульскіх збораў за выдачу віз да канца 2007 г.
03.10	Маленькія беларусы ў Цюменскай вобласці Расіі малююць краявіды Беларусі.... У рамках святкавання Дзён беларускай культуры ў Вікулаўскім раёне праходзіць конкурс дзіцячага малюнка “Радзіма майго прадзеда Беларусь”. Арганізатары сцвярджаюць, што яго галоўная мэта – данесці да дзяцей ўсю прыгажосць роднага краю.
03.10	Найвышэйшую ўзнагароду батаніка атрымаў беларус... Найвышэйшую ўзнагароду Еўропы за ўнёсак у ахову раслін атрымаў мінчук Алег Маслоўскі. Апроч яго, такой узнагародай валодаюць усяго 12 чалавек у свеце.
03.10	“Новая зямля” на мове Тараса Шаўчэнкі... Упершыню паэма Якуба Коласа “Новая зямля” выйшла ў свет у перакладзе на ўкраінскую мову. Аўтар перакладу — беларускі ўкраінец Валеры Стралко, сябар пісьменніцкіх саюзаў Беларусі і Украіны, лаўрэат Міжнароднай літаратурнай прэміі імя І. Франка ды літаратурнай прэміі імя К. Крапівы. Выданне прысвечана 125-годдзю Якуба Коласа і 100-годдзю пачатку ягонай літаратурнай творчасці.
02.10	Беларускі фестываль у Нью-Йорку... У мінулыя выходныя ў Саборы Святога Кірылы Тураўскага ў Нью-Йорку адбыўся Беларускі фестываль. Гэта штогадовая імпрэза, якая праводзіцца ў рамках міжнароднага кірмашу “Atlantic Antic”.
01.10	Данчык зноў пачаў спяваць... Вядомы ў мінулым беларускі спявак Багдан Данчык у размове з журналістамі з Радыё “Свабода” прызнаўся, што зноў пасля васьмігадовага перапынку пачаў спяваць.
01.10	Беларуска патрапіла ў чарговы выпуск Кнігі рэкордаў Гінэса... У Лондане выйшаў чарговы, 52-гі па ліку, выпуск знакамітай Кнігі рэкордаў Гінеса. У Кнізе 2008 г. апублікаваная інфармацыя пра больш за 1500 новых рэкордаў. Сярод іх ёсць і дасягненне беларускі Алесі Гулевіч.
01.10	Беларусь можа стаць сябрам Еўразвяза ... Беларусь і Украіна маюць магчымасць стаць сябрамі Еўразвязу, лічыць сябра Ландстагу Паўночнай Рэйн-Вестфаліі (Нямеччына) Вернер Естмайер. Такую думку нямецкі палітык выказаў на пленарным паседжанні партнёрскай канферэнцыі “Разам будуем агульнаеўрапейскі дом” 29 верасня ў Кіеве.
01.10	Год існавання Беларускага зямляцтва Масквы... 29 верасня ў межах праграмы “Масква шматнацыянальная” ў бібліятэцы імя М. Някрасава адбылася імпрэза, прысвечаная першай гадавіне існавання Беларускага зямляцтва Масквы.
01.10	Разам з Шэнгенам Польшча і Літва пакінуць для беларусаў і нацыянальныя візы? ... Кожная краіна — удзельніца Шэнгенскага пагаднення пакідае за сабой права выдачы нацыянальных візаў, але пры гэтым прадугледжвае пэўныя сітуацыі, у якіх яны будуць выдавацца.