У Беларусі знайшліся грамадзяне другога гатунку

У Беларусі, невялікай краіне ў цэнтры Еўропы, знайшлася тая праблема, у рашэнні якой, па меркаванні яе прэзідэнта, мэта апраўдвае сродкі. Прэзідэнт дзяржавы абвясціў грамадзян, пазбаўленых бацькоўскіх правоў, людзьмі, якіх можна кідаць за краты.

“Выдаткі на забеспячэнне дзяцей павінны пакрывацца імі ў поўным аб’ёме, падкрэсліваю — поўнасцю да капейкі. Яны павінны на сто адсоткаў аплачваць забеспячэнне дзяцей, а калі не могуць, то іх трэба прымусіць, і, як бы гэта груба не гучала, змясціць за калючы дрот і вывозіць іх адтуль на працу”, — цытуе Інтэрфакс прэзідэнта Беларусі.

“Мы ўсімі сіламі павінны прымусіць такіх бацькоў плаціць за дзяцей, якіх мы забярэм. З дзяржаўнага бюджэту мы не будзем браць грошы на забеспячэнне гэтых дзяцей”, — удакладніў прэзідэнт дзяржавы.

Паколькі падобных рашэнняў дадзенай праблемы ў свеце няма, Лукашэнка не выключае, што такая рэалізацыя выклікае “вельмі шмат крытыкі”.

“Але для нас галоўнае, каб была вырашаная гэта праблема”, — падкрэсліў прэзідэнт краіны.

Паводле АФН
afn.by