У Польшчы ў ДТЗ загінулі чацвёра беларусаў

У Польшчы ў выніку дарожна-транспартнага здарэння загінулі чатыры грамадзяніна Беларусі.

Як паведамілі БелаПАН у беларускім консульстве ў Бяла Падлясцы, падрабязнасці трагедыі, якая адбылася ў ноч з 28 на 29 ліпеня, пакуль невядомыя. Зараз на месцы ДТЗ працуюць супрацоўнікі паліцыі, туды ж выехаў консул Беларусі ў Бялай Падлясцы Аляксандр Концкі. На дадзены момант вядома, што ўсе чацвёра загінулых — жыхары Брэсцкай вобласці. Ва УУС Брэсцкага аблвыканкама ўжо накіраваны адпаведны запыт. Целы загінулых знаходзяцца ў трупярні лякарні ў Бялай Падлясцы.

Па інфармацыі мясцовых СМІ, кіроўца аўтамабіля з беларускімі нумарамі не зладзіўся з кіраваннем. Машына ўрэзалася ў дрэва і перавярнулася.