Узбекістан уводзіць бязвізавы рэжым для грамадзян Беларусі

Прэзідэнт Узбекістана Іслам Карымаў спецыяльнай пастановай зацвердзіў дамову паміж урадамі Узбекістана і Беларусі аб узаемных паездках грамадзян, падпісанае ў студзені гэтага года ў Ташкенце.

Паводле тэксту прэзідэнцкага дакумента, “грамадзяне дзяржавы аднаго боку маюць права заязджаць, выязджаць, знаходзіцца і прытрымлівацца транзітам па тэрыторыі дзяржавы іншага боку без віз на падставе дакументаў, якія пацвярджаюць асобу і грамадзянства”. Грамадзяне Беларусі падчас знаходжання на тэрыторыі Узбекістана абавязаныя выконваць правілы рэгістрацыі (часовай прапіскі), усталяваныя для замежных грамадзян.

Урад Узбекістана пакідае за сабою права адмовіць таму або іншаму беларускаму падданаму ў дазволе на ўезд або скараціць тэрмін яго знаходжання, не тлумачачы матывы свайго рашэння. Паводле двухбаковай дамовы, абодва бакі захоўваюць за сабою права ў выпадку пагрозы нацыянальнай бяспекі, грамадскаму парадку, стыхійных бедстваў, тэхнагенных катастроф або пагрозы здароўю грамадзян цалкам або часткова прыпыніць дзеянне дамовы.

Узбекска-беларуская міжурадавая дамова аб узаемных паездках грамадзян складзена на нявызначаны тэрмін. Глава Узбекістана ўсклаў адказнасць за яе выкананне на МЗС рэспублікі, а таксама намеснікаў прэм’ер-міністра.

Росбалт