Купалле ў Іркуцку
Іркуцкае Таварыства Беларускай Культуры імя Яна Чэрскага запрашае ўсіх, хто мае магчымасць, прыняць удзел у народным беларускім свяце “Купалле”.
Свята адбудзецца ў ноч з 24 на 25 чэрвеня на беразе ракі Ангара, у месцы ўпадзення рэчкі Тальцінка. Гэта недалёка ад Музея Драўлянага Дойлідства “Тальцы” на беразе ракі Ангара: не даязджаючы 800 м. да музея “Тальцы”, ёсць мост праз рэчку Тальцінка, неабходна звярнуць да яго на права, у бок ракі Ангара, праз пралескі да паляны.
Праводзіцца дадзены Абрад у пік летняга сонцавароту, г.зн. у адну з самых кароткіх летніх начэй. Купалле падводзіць вызначаную рысу і яднае ў сабе шмат культаў: Культ Цяпла, Вады, Расліннага свету, першага Кахання, Пачатку ўсяго Жывога. З Купаллем звязана шмат павер’яў, абрадаў, варажбы.
Галоўным момантам абраду з’яўляецца запальванне рытуальнага Вогнішча, якое павінна гарэць усю Купальскую ноч. Лічыцца, што яно падтрымлівае сілу Сонца.
У праграме Іркуцкага Таварыства Беларускай Культуры імя Яна Чэрскага запланаваны: беларускае застолле, конкурсы, мастацкія нумары, а таксама цуды Купальскай ночы (пошук чароўнай Папараць-кветкі і скачкі праз вогнішча, карагоды і традыцыйныя беларускія гульні, пошукі Купалінкі і лячэбны Звар, праводзіны Русалак і абрад купання ў “жывой” вадзе, варажба на вяночках і безумоўна начная беларуская дыскатэка!
РАСКЛАД:
1. Заезд..........................................................................................24 чэрвеня з 20-00.
2. Размяшчэнне, падрыхтоўка вянкоў, застолле........................з 21-00 да 22-00.
3. Святочная вячэра, канцэрт, конкурсы....................................з 22-00 да 23-00.
4. Цуды Купальскай ночы............................................................з 23-00 да раніцы.
5. Ад’езд удзельнікаў...................................................................25 чэрвеня ў 6-00.
Дабірацца да месца на Свята можна трыма спосабамі:
• На сваім транспарце — не даязджаючы 800 м. да музея “Тальцы”, да маста праз рэчку Тальцінка, паварот на права ў бок ракі Ангара, праз пралескі ды паляны;
• На аўтобусе з аўтавакзала ў бок Лісцвянкі да прыпынку “Тальцы”. 24 чэрвеня аўтобус адпраўляецца ў 19-00 з аўтавакзала, назад з Лісцвянкі 25 чэрвеня ў 7-30;
• На аўтобусе з Офіса ІТБК у 20-00 24 чэрвеня — 100 рублёў праезд. Дамаўляцца загадзя па запісе.
Тэлефон для даведкі 20-11-72. Рада ІТБК.
P.S. Стол у складчыну, г.зн. да стала кожны бярэ свае прадукты.
| 
