З’езд Згуртавання Беларусаў у Вялікай Брытаніі

Адбыўся 60-ты Агульны Гадавы З’езд Згуртавання Беларусаў у Вялікай Брытаніі (ЗБВБ). Ён пачаўся а 14 гадзіне ў Залі Беларускага культурна-рэлігійнага Цэнтру, Holden Rd., 39, London № 128-HS.

Праграма з’езду была падрыхтавана Галоўнай Управай. Адкрывала З’езд старшыня Управы сп-я. Л. Міхалюк. Яна павітала ўсіх прысутных і трох новых сяброў, а затым папрасіла прысутнага айца Надсана памаліцца за поспех з’езду. Айцец Надсан, разам з Новым высведчаным айцом-дыяканам Сяргеем Стасевічам, выканалі просьбу спадарыні Міхалюк: памаліліся і пажадалі з’езду поспеху ў працы.

Абраная Мандатная Камісія: М. Баяроўскі, Я. Ясвіловіч і С. Буткевіч — праверылі картатэку згодна з прысутнымі і дэкларавалі: “кворум па прысутных ёсць і з’езд паўнамоцны”.

Выбраны Прэзідыум З’езда прадстаўлялі: старшыня — спадар М.Швэдзюк і сакратары — Сяргей Вінаградаў і Мікола Пачкаеў.

Справаздачу Управа прыняла ад старшыні, спадарыні Л. Міхалюк, якая распавяла, што за апошні год Управа была вельмі актыўнай. Старшыня і сябры Управы рэпрэзентавалі ЗБВБ на з’ездах у Бельгіі, Вільні, Празе, Лондане, змагаліся за дэмакратыю ў Беларусі; таксама Управа арганізавала гадавіны нацыянальных святаў: 25 сакавіка, дзень Беларускай Народнай Рэспублікі, дзень Слуцкага Паўстання. Да угодкаў Брытанскай Каралевы Элізабет ІІ (80-ці годдзя) былі дасланы віншаванні, на якія быў атрыманы прыветлівы адказ. А Дзякуючы дзеянню Управы, справа дэмакратыі ў Беларусі дыскутавалася ў Парламенце.

Скарбнік Управы, спадар С. Пяткевіч, паведаміў пра фінансавае становішча Згуртавання: Шмат было выдаткавана грошаў на рамонт Беларускага Дома у Лондане, і гаражоў, у выніку — у касе грошай засталося ня шмат.

Дыскусія па справаздачы не заняла шмат часу.далей адбыліся выбары новай Галоўнай Управы. На пасаду старшыні абрана спадарыня Л Міхалюк; намеснік старшыні — спадар М. Пачкаеў; сакратар-скарбнік — спадар С.Пяткевіч; сябры — Павел Шаўцоў, Сяржук Вінаградаў і Андрэй Вышадок; наглядная Рада — спадары: Калінін, Ясвіловіч, спадарыня Сенько.
Л. Міхалюк падзякавала З’езду за давер, павіншавала з абраннем новай Управы і прапанавала завяршыць З’езд спевам нашага роднага Гімна “Мы выйдзем шчыльнымі радамі”.
На Вячэру Смачны пачастунак прыгатавалі сяброўкі Алена Сенько і Джын Дзейко, за што ім вялікі дзякуй! З кубачкам віна хутка праляцеў час і ўжо трэба было раз’язджацца па розных кутках Англіі.

Жыве Беларусь!!!
Сільвестар Буткевіч.