Кіеў “За волю палітычных вязняў у Беларусі!”

16 чэрвеня ў Кіеве пройдзе Дзень салідарнасці з Беларуссю. У офісе інфармацыйнага агенцтва УНІАН адбудзецца прэзентацыя міжнароднай кампаніі “За волю палітычных вязняў у Беларусі!”.

У прэс-канферэнцыі прымуць удзел з украінскага боку Уладзімір Чэмерыс (Украінская Хельсінкская група па правах чалавека), Галіна Бочава (“Міжнародная амністыя”) і Аляксандр Дземчанка (“Салідарнасць”). Ад Беларусі — Юлія Казуліна, дачка экс-кандыдата ў прэзідэнты і палітычнага вязня Аляксандра Казуліна, кінарэжысёр Юрый Хашчавадскі і Валер Леванеўскі, палітычны вязень, які нядаўна вызваліўся з месцаў зняволення, як паведамляе прэс-служба АГП.

Як паведамляюць арганізатары прэс-канферэнцыі, удзельнікі сустрэчы распавядуць аб рэпрэсіях, якія закранаюць усе сферы беларускага грамадства, і аб дзеяннях, якія плануюцца ў рамках кампаніі па ўсім свеце, каб узмацніць міжнародны ціск на беларускі рэжым. Удзельнікі кампаніі дамагаюцца, каб пытанне беларускіх палітычных зняволеных быў падняты падчас саміту “Вялікай васьмёркі” у Санкт-Пецярбурзе. Таксама яны прапануюць украінскай улады распачаць пэўныя крокі ў падтрымку кампаніі “За волю палітычных вязняў у Беларусі!”. Падчас прэс-канферэнцыі будзе прадэманстраваны відэазапіс аповяду Паліны Астрэйка, жонкі аднаго з абвінавачваных па справе “Партнёрства”.

У 19.00 поруч беларускай амбасады ў Кіеве адбудзецца тэатралізаваны перфоманс “Самы гуманны суд у свеце”, падчас якога Лукашэнка ва ўласцівай яму манеры дапытае і засудзіць усіх хто прысутнічаюць, уключаючы суддзю.

Як вядома, пачынаючы з 16 кастрычніка 2005 года, кожны месяц 16-га ў Беларусі і за мяжой праходзяць акцыі, каб прыцягнуць увагу да праблемы правоў чалавека і грамадзянскіх свабоды ў Беларусі. 16 чэрвеня 2006 года ва Украіне, ЗША, Польшчы, Эстоніі, Францыі, Канадзе, Фінляндыі, Расіі і Нямеччыны праваабаронцы і грамадзянскія актывісты пачынаюць кампанію супраць пазапраўных абвінавачванняў апанентаў беларускага рэжыму, над якімі ў бліжэйшы час адбудуцца судовыя працэсы. Гаворка ідзе пра экс-кандыдата ў прэзідэнты Аляксандра Казуліна, чальцах “Партнёрства” Мікалая Астрэйку, Эніру Браніцкую, Аляксандра Шалайку, Цімафея Дранчука, а таксама прадпрымальніка Мікалая Аўтуховіча.