Новы беларускі інтэрнет-рэсурс.

У беларускай электроннай прасторы, па адрасе: http://razviccio.at.tut.by з’явілася новая беларуская старонка. Яна належыць некамерцыйнай непалітычнай арганізацыі Рэгіянальнае агенцтва “Развіццё” (заснаванае ў кастрычніку 2005 года). Гэта арганізацыя актыўных людзей, якія вераць, а магчыма і ведаюць, як дасягнуць лепшага жыцця для жыхароў Горацкага, Дрыбінскага і Мсціслаўскага раёнаў (насельніцтва тэрыторыі перавышае 65000 чалавек). Рэгіянальнае агенцтва “Развіццё” аб’ядноўвае грамадзянскіх актывістаў з розных сацыяльных групаў, якія жывуць на ўсходзе Магілёўшчыны.

Галоўнай мэтай дзейнасці Рэгіянальнага агенцтва “Развіццё” з’яўляецца ўсебаковае развіццё Горацкага, Дрыбінскага і Мсціслаўскага раёнаў Магілёўскай вобласці для ператварэння іх ў сучасны камфортны Еўрапейскі рэгіён

Задачамі, якія паставіла перад сабой агенцтва сталі:

• Аналіз і распаўсюд інфармацыі па мясцовым эканамічным, грамадзянскім і сацыяльным жыцці;
• Выпрацоўка плану рэгіянальнага развіцця на бліжэйшую перспектыву;
• Каардынацыя і падтрымка грамадскіх і прыватных ініцыятываў, скіраваных на рэгіянальнае развіццё;
• Падтрымка і развіццё паслугаў для мясцовага бізнесу.

Усё гэта змешчана на старонцы арганізацыі http://razviccio.at.tut.by

Напэўна адраджэнне пачнецца пры дапамозе інтэрнэт-рэсурсаў.

Інфармацыйны цэнтр МГА “ЗБС “Бацькаўшчына”
Прэс-сакратар С.Д.