Беларусь зачыніць неба для “нячэсных” самалётаў
Прыкладам прыватнай ініцыятывы главы Федэрацыі прафсаюзаў Беларусі
Леаніда Козіка, які адстойвае ў міжнародных інстанцыях сваё права
як грамадзяніна еўрапейскай краіны наведваць іншыя краіны кантынента,
чаго ён сёння пазбаўлены, бо патрапіў у “чорны спіс” неўяздных у
ЕС беларускіх службоўцаў, вырашылі рушыць услед на дзяржаўным узроўні.
Прэзідэнтам Беларусі Аляксандрам Лукашэнкам ўраду даручана падрыхтаваць
у міжнародныя суды па правах чалавека зварот для даследавання пытання
правамернасці абмежавання перамяшчэння для асобных беларускіх службоўцаў
па тэрыторыі ЕС і ЗША.
“Трэба падрыхтаваць Міністэрству юстыцыі зварот у адпаведныя міжнародныя
суды, Еўрапейскі суд па правах чалавека. Хто даў права абмяжоўваць
вас у перамяшчэнні або прэм’ера, які наогул не займаўся прэзідэнцкімі
выбарамі, — заявіў Лукашэнка 23 траўня, адказваючы на пытанні дэпутатаў.
— Што, ёсць рашэнне нейкага міжнароднага суду, што Лукашэнка або
Сідорскі злачынцы? Няма такога рашэння суду. Усё гэта сшытае белымі
ніткамі! І потым, на якой падставе яны забараняюць перамяшчэнне?”.
Хоць Лукашэнка і лічыць рашэнне аб забароне ўезду ў Еўрасаюз тром
дзесяткам беларускіх службоўцаў пройгрышным для ЕС варыянтам, дабіцца
адмены санкцый, судзячы па дачыненні Захаду да наяўнай у Беларусі
сістэме ўлады, будзе практычна немагчыма.
Але кроў і еўрапейскім, і заакіянскім дэмакратызатарам у сінявокай
могуць папсаваць. Да прыкладу, зачыняць неба над Беларуссю для іх
самалётаў. Гэта можа стаць адэкватным адказам на эксцэс падчас палёту
ўрадавай дэлегацыі нашай краіны на Кубу. Тады, нагадаем, з-за прысутнасці
на борце самалёта двух службоўцаў з спісу неўяздных (Праляскоўскага
і Зімоўскага) беларускаму самалёту ў дазапраўцы адмовілі Ісландыя
і Канада, а на зваротным шляху ў адмову пайшлі і ЗША, так што ляцець
на радзіму прыйшлося праз Барбадос і Канары.
Адказваючы на пытанні дэпутатаў у Авальнай зале Палаты прадстаўнікоў,
Аляксандр Лукашэнка назваў гэтую сітуацыю “поўнай дзікасцю”. “Я
даў даручэнне ўраду і здзіўляюся, чаму не прынятыя кардынальныя
адэкватныя меры. Хай лётаюць праз Прыбалтыку, Украіну, а асноўны
маршрут варта перакрыць. Можа мы ў гэтым нешта страцім, але мы павінны
паказаць ім свой гонар”, — заявіў прэзідэнт Беларусі.
“Белорусские новости”
| 
