Справа экс-кандыдата

Матэрыялы крымінальнай справы, узбуджанага ў дачыненні экс-кандыдата ў прэзідэнты Беларусі Аляксандра Казуліна, у бліжэйшы час будуць накіраваныя ў суд, паведамілі “Інтэрфаксу” ў аўторак у пракуратуры Менска.

Па словах суразмоўцаў агенцтва, “папярэдняе расследаванне крымінальнай справы, узбуджанай у дачыненні А.Казуліна, уступіла ў завяршальную стадыю, і матэрыялы справы будуць у бліжэйшы час накіраваныя ў суд”.

У пракуратуры адмовіліся паведаміць дакладную дату, калі матэрыялы будуць накіраваныя ў суд, адзначыўшы, што “справа папярэдне расследавана, засталіся дробязі, яго матэрыялы рыхтуюцца для перадачы ў суд”. Суразмоўцы таксама не змаглі назваць, у які суд на разгляд будуць перададзеныя матэрыялы крымінальнай справы ў дачыненні экс-кандыдата, сказаўшы пры гэтым, што, “магчыма, гэта будзе суд таго раёна Мінска, дзе быў затрыманы абвінавачваны, магчыма, Мінскі гарадскі суд вызначыць, дзе пройдзе судовы працэс па дадзенай справе”.

У пракуратуры таксама сказалі, што “А.Казулін, верагодней усяго, на час судовага працэсу будзе дастаўлены ў Мінск у адзін з СІЗА, магчыма, гэта будзе СІЗА нумар адзін на вул. Валадарскага ў цэнтры Мінска”.

Але праца працягваецца
Экс-кандыдат у прэзідэнты Аляксандр Казулін у следчым ізалятары пачаў працу над кнігай аб пенітэцыярнай сістэме краіны, умовах утрымання, побыце і лёсу зняволеных.

А.Казуліну прыходзіцца рабіць рукапісныя запісы, таму што кіраўніцтва СІЗА адмовіла яму ў просьбе падаць у камеру камп’ютарную тэхніку.

Па словах суразмоўцаў “Інтэрфакса”, “нягледзячы на тое, што А.Казулін у сваёй навуковай працы яўна крытыкуе ўмовы утрымання ў СІЗА, сам ён не дапускаў парушэнняў правілаў спецустаноў. "Ён рэгулярна прыбірае сваю камеру, не парушае рэжым, не адмаўляецца ад ежы, падтрымлівае бесканфліктныя адносіны з сукамернікамі”, — удакладнілі ў СІЗА.

Паводле “Інтэрфакс” і
www.kozylin.com