Міністр інфармацыі: Перш за ўсё зоймемся Інтэрнэтам

Закон “Аб друку і іншых сродках масавай інфармацыі” не будзе заменены нейкім новым заканадаўчым актам, яго мяркуецца ўдасканальваць паартыкульна. Аб гэтым паведаміў у інтэрв’ю БелТА міністр інфармацыі Беларусі Уладзімір Русакевіч. Гаворачы пра тое, якія істотныя змены вызначана занесці ў закон, Уладзімір Русакевіч сказаў, што ў першую чаргу гэта закране заканадаўчае рэгуляванне Інтэрнэту ў дзяржаве. Міністр падкрэсліў, што “такая патрэбнасць паўстала не толькі ў Беларусі, над гэтым пытаннем працуюць у шматлікіх іншых краінах”.

Па словах Уладзіміра Русакевіча, карэктыроўка закона будзе праводзіцца ў рэчышчы інфармацыйнай палітыкі, якая выпрацаваная ў Беларусі ў сувязі з новым этапам яе сацыяльна-эканамічнага развіцця.

www.charter97.org