АМАП разагнаў акцыю каля расійскай амбасады ў Мінску (Фота)

Сіламі палка міліцыі спецыяльнага прызначэння (былы АМАП) ўвечары 16 траўня была разагнана акцыя салідарнасці з беларускімі палітвязнямі, рэпрэсаванымі і сем’ямі зніклых палітыкаў каля расійскай амбасады ў Мінску. Каля ста чалавек прыйшлі да амбасады Расіі са свечкамі, каб выказаць пратэст падтрымцы Расіяй беларускай дыктатуры. Па меркаванні ўдзельнікаў акцыі, Расія можа запатрабаваць ад Лукашэнкі спыніць рэпрэсіі супраць палітычных апанентаў і грамадзянскай супольнасці. Падчас разгону мірнай акцыі было затрымана каля 20 чалавек. Па папярэдняй інфармацыі, яны знаходзяцца ў Цэнтральным РУЎС Менска.

Людзей, што прыйшлі да расійскай амбасады, разганялі тройчы. На мірных беларусаў, што стаялі са свечкамі ішла рота АМАПа, якая груба адціскала людзей ад амбасады на бліжэйшыя вуліцы. Людзі вярталіся, а там іх чакалі АМАПаўцы, узброеныя дубінкамі.

Такім чынам, беларусы спрабавалі прайсці да расійскай амбасады на працягу гадзіны. Тым не менш, свечкі ў расійскай амбасады ўсё ж такі былі запаленыя. Іх паспелі паставіць перад шэрагам АМАПа, які ачапіў расійскую амбасаду …

www.charter97.org