Еўрасаюз мае намер замарозіць рахункі Лукашэнкі і яго атачэння

Еўрасаюз мае намер змарозіць рахункі прэзідэнта Беларусі Аляксандра Лукашэнкі і яшчэ больш 30 беларускіх афіцыйных асобаў. Як перадае “Reuters” і паведамляе “Financial Times Deutschland”. Па дадзеных газеты, падобнае рашэнне рыхтавалася да прыняцця ЕС ужо некалькі тыдняў. Чакаецца, што яно будзе фармальна ўхвалена на працягу бліжэйшых дзён. Увядзенне санкцый будзе абмяркоўвацца ўжо сёння (у панядзелак) на пасяджэнні міністраў замежных спраў краін Еўрасаюза ў Бруселі.
Як сцвярджаюць крыніцы “Financial Times”, прыняцце рэзалюцыі па Беларусі можа зацягнуцца, бо яе тэкст пакуль не перакладзены на ўсе мовы краін-чальцоў ЕС.

Паводле праекту рэзалюцыі, акрамя рахункаў Лукашэнка ў еўрапейскіх банках будуць заблакаваны рахункі міністра ўнутраных спраў Беларусі, пракурора, главы КДБ, спікера парламента, а таксама службоўцаў адміністрацыі прэзідэнта.

У пачатку красавіка Аляксандр Лукашэнка і яшчэ 30 высокапастаўленых службоўцаў былі абвешчаныя персонамі нон-грата ў краінах Еўрасаюза. Тады жа абмяркоўвалася магчымасць арышту рахункаў, аднак яна не знайшла ўсеагульнай падтрымкі.
У адміністрацыі прэзідэнта Рэспублікі Беларусь заявілі, што ў Аляксандра Лукашэнкі няма рахункаў за мяжой. У адміністрацыі прэзідэнта назвалі санкцыі ЕС “поўным глупствам” і прапанавалі ўсе знойдзеныя на замежных рахунках грошы беларускага прэзідэнта “забраць сябе”. Раней прэзідэнт назваў “брудным піарам” гутаркі аб замежных рахунках.

Прыняцце рашэння аб арышце рахункаў было больш складаным, чым візавая забарона, і па словах аднаго з дыпламатаў, яно было добра прадумана прадстаўнікамі аб’яднанай Еўропы.

“Калі абвясціць аб накладанні арышту на рахункі загадзя, грошы з іх знікнуць і асядуць у банках Швейцарыі, або іншых нейтральных дзяржаў”, — сказаў ён. На сустрэчы міністраў замежных спраў краін ЕС будзе распачатая яшчэ адна спроба прыняць гэтую рэзалюцыю, падрыхтоўка якой была засакрэчаная.

Паводле “The Financial Times”,
www.telegraf.by