У Беларусі павялічаны ліміт недэкларуемага ўвозу валюты

У Беларусі ліміт недэкларуемага ўвозу замежнай валюты ў рэспубліку павялічаны ў тры разы — з 3 да 10 тысяч даляраў ЗША. Аб гэтым Белапан паведаміў кіраўнік упраўлення інфармацыі Нацыянальнага банка Анатоль Драздоў.

Дадзенае рашэнне ўтрымоўваецца ў сумеснай пастанове Нацбанку і Дзяржаўнага мытнага камітэту, у адпаведнасці з якім былі ўнесены змены ў інструкцыю аб парадку перамяшчэння інвалюты і беларускіх рублёў фізічнымі асобамі праз мытню Беларусі.

Па словах А.Драздова, прынятае рашэнне дазволіць палегчыць умовы перасячэння мяжы насельніцтвам, а таксама, магчыма, будзе спрыяць прытоку замежнай валюты. Пры гэтым ліміт недэкларуемага вывазу замежнай валюты з Беларусі не змяніўся і складае 3 тысячы даляраў ЗША, удакладнілі ў Нацбанку.

БелаПАН