Літва турбуецца пра будучыню Беларусі

14 красавіка ў Сойме Літвы адбылася міжнародная канферэнцыя “Беларусь пасля выбараў. Што далей?”

У канстытуцыйнай зале Літоўскага сойму канферэнцыю распачаў др. Віргініюс Валенцінавічус — палітычны аглядальнік, загадчык тэлепраграмы “Панарама нядзелі”.

Пра ацэнку працэсу выбараў у Беларусі распавялі надзвычайны і упаўнаважаны амбасадар ЗША ў Літве J.E.Stefan Donald Mull, і Geert-Hinrich Ahrens — кіраўнік ад АБСЕ місіі наглядальнікаў выбараў прэзідэнта (Нямеччына). Яны адзначылі, што выбары былі не вольнымі і не празрыстымі.

Ацэнку вынікаў выбараў распавялі: прафесар Juscinas Karosas — старшыня камітэта замежных спраў Літоўскага сойму; Dr. Laima Andrikienie — член Еўрапарламенту; Emanuelis Zingierys — старшыня падкамітэту, у камітэце замежных спраў палітыкі суседства, сойму Літоўскай Рэспублікі.

Пра сітуацыю ў Беларусі пасля выбараў расказалі прадстаўнікі беларускіх дэмакратычных колаў Аляксандр Алесін (Alek. Aliesin), Аляксандр Класкоускі (Alek. Klaskouski) і іншыя.

Беларуска-расійскія адносіны прааналізаваў Русланас Осіпаўс (Ruslans Osipovs), вучоны Латвійскага інстытуту міжнародных адносін.

У дыскусіі “Магчымыя напрамкі дзейнасці міжнароднай дэмакратычнай супольнасці” выступіў, па-беларуску, Trygve Olson, дырэктар міжнароднага Рэспубліканскага інстытуту ЗША, на тэму “Больш санкцыяў, ці больш супрацоўніцтва?” выступіў Audronis Azhubalis, намеснік старшыні камітэта па замежных справах сойму Літоўскай рэспублікі. А па каардынацыі палітыкі ў адносінах да Беларусі з боку Еўрасаюзу і ЗША распавёў J.E.Stefan Donald Mull. Яўген Вапа, з польскага радыё “Рацыя”, распавёў аб магчымасці ўмацавання свабодных і незалежных СМІ.

Хвёдар Нюнька, Літва