Лёс Сяргея Атрошчанкі, пацярпелага падчас разгону мірнай дэманстрацыі 25 сакавіка…

30 сакавіка з’явілася інфармацыя, што жыхар Гарадзенскай вобласці Сяргей Атрошчанка, жорстка збіты спецназам падчас разгону мірнай дэманстрацыі на праспекце Дзяржынскага ў Мінску 25 сакавіка 2006 года, памёр у 9-й клінічнай бальніцы сталіцы.

З улікам таго, што праваахоўныя органы і органы аховы здароўя Мінска адмаўляюцца даваць любую інфармацыю, якая магла прасвятліць гэтую сітуацыю. Штаб лідэра аб’яднаных дэмакратычных сіл звярнуўся да грамадзян, якім што-небудзь вядома пра Сяргея Атрошчанка, абставіны яго збіцця і далейшы лёс, з просьбай прадставіць такую інфармацыю на сайт Аляксандра Мілінкевіча, у офісы дэмакратычных палітычных партый і арганізацый, ці ў рэгіянальныя штабы.

У афіцыйных структурах абвяргаюць інфармацыю аб смерці удзельніка акцыі апазіцыі 25 сакавіка ў Мінску.

У 9-й бальніцы БелаПАН паведамілі, што “такога ў нас не было ўвогуле”.

У ГУУС Мінскага гарвыканкама агенцтву таксама заявілі, што ў іх няма такой інфармацыі. У камітэце па ахове здароўя Мінгарвыканкама БелаПАН паведамілі, што “інфармацыя не пацвярджаецца і не з’яўляецца ілжывай”.

Штабу лідэра аб’яднаных дэмакратычных сіл Аляксандра Мілінкевіча давялося выйсці на сваякоў Сяргея Атрошчанка. Аб гэтым паведаміў кіраўнік штаба Сяргей Калякін на прэс-канферэнцыі ў Мінску 31 сакавіка. У прыватнасці, штабу давялося даведацца, што С. Атрошчанка, не з Гордзенскай вобласці, а з Брэсцкай, з Баранавіцкага раёна. “Зараз мы шукаем яго сваякоў. Вельмі важна, каб яны таксама актыўна уключыліся ў яго пошук”, — сказаў С. Калякін.

Па словах палітыка, у штаба таксама ёсць “непаццверджаная інфармацыя” пра тое, што збіты С. Атрошчанка 25 сакавіка быў прывезены ў 4-ю гарадскую бальніцу Мінска, а затым яго перавезлі ў 9-ю, дзе ён памёр. “Іншай інфармацыяй мы пакуль не маем”, — дадаў С. Калякін.

БелаПАН; svaboda.org; tut.by;
http://www.charter97.org